Addoli DuwSampl

Addoli â'r Bersonoliaeth Gyfan

Pan fyddwn ni'n siarad am ysgogiad yr Ysbryd, dŷn ni mewn rhyw ystyr, yn siarad am deimladau. Dw i'n cyfaddef bod hyn yn beryglus, oherwydd gall teimladau arwain pobl i wneud pethau rhyfedd.

Gall pobl or-gydwybodol, sy’n cael eu gyrru gan deimlad o euogrwydd, geisio gwrthbwyso cam ffôl trwy wneud rhywbeth y maen nhw’n meddwl sy’n ewyllys Duw. Efallai y bydd rhywun yn dychmygu ei fod yn teimlo ysgogiad yr Ysbryd pan mai'r cyfan y mae'n ei wneud yw gwneud ymdrech ddynol i wneud iawn am fethiant y gorffennol. Mae ysgogiad yr Ysbryd, wrth ufuddhau iddo, bob amser yn arwain i deimlad o heddwch aruthrol.

Mae’n hawdd meddwl mai’r unig ysgogiad sy’n bwysig yw disgleirdeb neu ddyfnder ymenyddol. Ond mae Duw eisiau cyfathrebu â ni nid yn unig ar lefel ddeallusol. Mae Duw eisiau cyfathrebu â'n holl fodolaeth - ein hemosiynau a'n synhwyrau yn ogystal â'n meddyliau.

Mae addoliad go iawn yn digwydd pan nad ydyn ni’n ofni mynegi’r hyn dŷn ni’n ei deimlo. Dylai addoliad ddod â ni at y pwynt lle gallwn fod yn onest. Does dim angen i ni byth atal yr hyn dŷn ni'n ei deimlo pan dŷn ni yng nghwmni Iesu. Fydd e byth yn digio ȃ ni am ein gonestrwydd. Nid yw'n golygu ein bod ni'n iawn, ond os ydyn ni'n bod yn onest, fe all ein helpu ni a dod â ni i weld lle dŷn ni'n anghywir ac i wynebu'r gwir.