RWYT TI’N HALEN A GOLEUNI

“Chi ydy halen y ddaear. Ond pan mae'r halen wedi colli ei flas pa obaith sydd i'w wneud yn hallt eto? Dydy e'n dda i ddim ond i'w daflu i ffwrdd a'i sathru dan draed. Chi ydy'r golau sydd yn y byd. Mae'n amhosib cuddio dinas sydd wedi'i hadeiladu ar ben bryn. A does neb yn goleuo lamp i'w gosod o dan fowlen! Na, dych chi'n gosod lamp ar fwrdd er mwyn iddi roi golau i bawb yn y tŷ. - Mathew 5:13-15 beibl.net

Ro’n i'n fyfyriwr coleg ifanc pan wnes i ffrind a oedd i bob golwg yn meddu ar bopeth - harddwch, graddau, cyflawniadau, cyfoeth. Popeth Ro’n i'n teimlo nad oedd gen i. Eto i gyd, wnaethon ni dyfu’n agos. Felly, pan ddiflannodd hi am dri diwrnod ac roedd heb ateb fy ngalwadau, yn naturiol fe wnes i ddechrau poeni. Pan ddaeth hi i’r golwg ar y trydydd diwrnod, wnes i ffeindio ei bod wedi bod mewn parti lle'r oedd y rhan fwyaf wedi cymryd cyffuriau i aros yn effro. Fe ddwedodd hi, “Roedd yna gymaint o gariad. Roedd yna gymaint o lawenydd. Roedd yna gymaint o heddwch fel fy mod i wedi fy syfrdanu. A chyda hynny daeth â blodyn bach i’r golwg “Wnes i fwynhau e gymaint, Chris, fel mod i ddim am i ti golli allan ar y profiad ges i, felly wnes i safio hanner tabled i ti.”

Fe wnes i wrthod ei chynnig yn garedig, ond cefais fy ysgwyd. Dim ond cwpl o flynyddoedd ynghynt ro’n i wedi rhoi fy mywyd yn llawn i Iesu, ac ni allwn helpu ond meddwl, Mae'r ferch hon yn dy garu di gymaint, fel nad oedd hi am i ti golli allan ar y cariad a llawenydd a heddwch a ddaeth o gyffur. Ac mae gen ti, Christine, Ysbryd Glân Duw yn byw y tu mewn i ti, sy'n ffynhonnell cariad a llawenydd a heddwch. Christine, roedd gormod o gywilydd arnat ti i siarad am Dduw, oherwydd roeddet ti'n meddwl nad oes ei angen e arni hi, a Duw yw'r un peth sydd ei angen arni fwyaf. "

Ar ôl hynny, wnes i grio. Fe wnes i addo i Dduw na fyddwn i byth yn caniatáu i angerdd neb am unrhyw beth - cyffuriau, arian, llwyddiant neu hyd yn oed achos - fod yn fwy angerddol na fy nghariad tuag ato a'm parodrwydd i fynd i ddweud wrth bobl pwy yw e.

Pam ein bod yn ei chael yn hawdd adnabod pobl y mae eu bywydau wedi'u drysu gymaint fel y rhai y mae angen dod o hyd iddyn nhw ond sy'n methu â chydnabod bod hyd yn oed y rhai sy'n ymddangos fel pe bai ganddyn nhw’r cyfan gyda'i gilydd ar goll hefyd? Onid ydy Duw eisiau i ni ddeall bod pobl goll yn edrych fel pawb arall?

Ers y diwrnod hwnnw, dydw i erioed wedi anghofio bod yna wacter siâp Duw ym mhob calon ddynol na all ond Iesu ei lenwi, ac mae angen i bawb glywed amdano.

GWEDDI

Dduw, helpa fi i fod yn halen a golau ym mhob man dw i’n mynd at bawb dw i’n cwrdd â nhw. Helpa fi i edrych ac i weld...y rhai sydd wedi torri a'r rhai sydd ar goll... waeth sut maen nhw'n ymddangos. Helpa fi i deimlo tosturi a dewrder i estyn allan a thynnu rhywun yn agos heddiw. Yn enw Iesu, gweddïaf, Amen.

Addaswyd o 20/20: Seen.Chosen.Sent gan Christine Caine. Hawlfraint © 2019 gan Christine Caine. Ailargraffwyd gyda chaniatâd Lifeway Women. Cedwir pob hawl.