MAE DUW’N DY WELD

“Ond dyma’r ARGLWYDD yn dweud wrtho, ‘Paid cymryd sylw o ba mor dal a golygus ydy e. Dw i ddim wedi’i ddewis e. Dydy Duw ddim yn edrych ar bethau'r un fath ag y mae pobl. Mae pobl yn edrych ar y tu allan, ond mae’r ARGLWYDD yn edrych ar sut berson ydy rhywun go iawn’.” -1 Samuel 16:7 beibl.net

Ar daith flynyddoedd yn ôl, es i i gael coffi yn iawn cyn i'n teulu fynd ar awyren. Aeth Nick ymlaen gyda'r merched i'w cael nhw i setlo. Pan ddes yn ôl at y giât, ro’n i newydd ddechrau dros y bont o'r terminws i'r awyren, pan edrychodd un o weithwyr cwmni hedfan arnaf a dweud, “Dydych chi ddim yn dod ymlaen ma'am.”

Mewn cryn syndod wnes i ofyn pam.

“Wel, os oes gennych chi amser i fynd i gael coffi, yna does dim amser gyda chi i fynd ar yr awyren.”

Ces i sioc. Nid oedd yn gwneud synnwyr. Roeddwn i'n gwybod nad oedd hi wedi mynd heibio'r amser i fynd ar yr awyren. “Mae’r drws ar agor ma’am. Os gwelwch yn dda, cymerwch fy nhocyn byrddio a gadewch i mi fynd ymlaen.”

Doedd dim modd ei darbwyllo.

“Ma’am, mae fy ngŵr a’m plant ar yr awyren,” dywedais. “Gadewch i mi fynd ymlaen.”

Doedd dim symud arni.

Dw i'n cofio teimlo mor ddiymadferth, wedi fy synnu cymaint, ac yn teimlo mor ddi-nod. Ddangosodd hi ddim empathi tuag ata i, dim pryder am fy ngwahanu oddi wrth fy nheulu. Roedd hi'n edrych arna i, ond doedd hi ddim yn gweld fi.

Es i ar yr awyren yn y diwedd, ond dydw i erioed wedi anghofio sut y gwnaeth y fenyw honno i mi deimlo. Ac eto, rwy'n ymwybodol iawn o'r amseroedd rydw i wedi ymddwyn yn debycach iddi hi nag rydw i wedi ymddwyn fel Iesu - pan rydw i wedi edrych, ond heb weld. Pa mor hawdd yw hi i ni edrych yn ddifeddwl heibio'r gweinydd yn y bwyty, y triniwr ewinedd yn y salon neu'r clerc yn y siop. Pa mor gyffredin yw hi i ni syllu ar ein ffonau ac anghofio cydnabod yr un sy’n rhoi ein coffi i ni? Sawl gwaith ydyn ni wedi bod yr un i anwybyddu rhywun arall?

Dydy edrych ddim run peth â gweld. Edrychodd y ddynes wrth y giât arna i, ond wnaeth hi ddim gweld fi. Wnaeth hi edrych arna i, ond doedd hi ddim yn gweld nac yn deall fy sefyllfa yn llawn.

Mae Duw eisiau i ni edrych a gweld! Mae am i ni weld pobl eraill drwy ei safbwyntiau - yn enwedig pan ddaw’n fater o weld pobl sy’n croesi ein llwybrau bob dydd.

GWEDDI

O Dad nefol, agor llygaid fy nghalon er mwyn imi weld pobl a pheidio ag anghofio neb eto. Helpa fi i wneud i bobl o'm cwmpas deimlo eu bod yn cael eu gweld, eu hadnabod, eu clywed, eu hurddas a'u bod yn cael eu gwerthfawrogi. Defnyddia’r astudiaeth hon i ddangos i mi sut y gallaf dyfu i weld eraill yn gliriach nag erioed o'r blaen, i'w gweld fel yr wyt ti’n eu gweld. Yn enw Iesu, Amen.

Addaswyd o 20/20: Seen.Chosen.Sent gan Christine Caine. Hawlfraint © 2019 gan Christine Caine. Ailargraffwyd gyda chaniatâd Lifeway Women. Cedwir pob hawl.