Атрымаць прыкладаннеПадарожжа да ясьляўУзор
Сустрэча з Ісусам
Уявіце сабе зьдзіўленьне пастухоў, калі Госпадаў анёл пачаў прамаўляць ім, а потым у начным небе зьявілася шматлікае нябеснае войска зь незямным сьвятлом ды музыкай. І ўявіце сабе іхнюю радасьць, калі яны пакінулі сваё поле ды авечак і пайшлі шукаць тое, аб чым расказаў ім анёл.
Але перажываньнем, якое сапраўды зьмяніла іхняе жыцьцё, стала сустрэча з Мэсіяй твар у твар. Ад яе ім захацелася праслаўляць Бога. Анёлы сказалі простым пастухам, кім было тое немаўля ў брудным хляву, і іхнія сэрцы, што чакалі Мэсію, дазволілі ім пазнаць Яго і аддаць Яму пашану ды пакланеньне, вартыя Караля.
Гэтаксама калі вы сустрэнецеся з Ісусам і ўбачыце Яго такім, які Ён ёсьць, то ўсьведамленьне Ягонай любові ды велічы напоўніць вашае сэрца ўдзячнасьцю й дасьць вам жаданьне пазнаёміцца зь Ім бліжэй.
Дзейнасьць: Зрабеце плэйліст з вашымі ўлюбёнымі калядкамі або хрысьціянскімі сьпевамі. Слухаючы іх, разважайце над моцнай Божай любоўю да вас.
Сьвятое Пісьмо
Аб гэтым плане
У адну ціхую ноч 2000 гадоў таму, анёлы паведамілі навіну аб нараджэньні Збаўцы групе пастухоў, якія пасьвілі сваіх авечак. Калі пастухі пачулі тую навіну, дык яны пакінулі ўсё, каб пайсьці паглядзець на дзіцяня ў ясьлях у Бэтлееме. З часу тае падзеі прайшло вельмі шмат гадоў, але запрашэньне застаецца тым жа самым. Далучэцеся да доктара Чарльза Стэнлі, які дапаможа вам наблізіцца да Збаўцы ды натхне вас адпачыць у любові Бацькі ў гэтую пару.
More
