Падарожжа да ясьляўУзор

Божы плян збаўленьня

Калі Ісус прыйшоў на зямлю, то Ягоны ўласны народ не пазнаў Яго. Хоць габрэі і былі дабраславёныя тым, што мелі сьведчаньне шматлікіх прарокаў і доўгую гісторыю працяглае вернасьці Бога, яны не пазналі даўгачаканага Мэсію. Яны думалі, што Ён меўся прыйсьці дзеля таго, каб вызваліць іх ад палітычных прыгнятальнікаў, вынішчыць паганскае пакланеньне й Рымскі прыгон ды ўсталяваць Божае Валадарства. Паводле іхняга мысьленьня, тое азначала аднаўленьне ўлады й славы дванаццаці плямёнаў Ізраілевых.

Але Ісус не прыйшоў, каб адпомсьціць ненавісным паганскім народам. Ён сапраўды прыйшоў дзеля ўсталяваньня валадарства, але не на гэтай зямлі, а таксама дзеля таго, каб прынесьці Божую праўду і прысутнасьць у грэшны сьвет.

Калі пыха асьляпляе нас так, што мы ня бачым праўды Божага пляну збаўленьня, то як мы адрозьніваемся ад тых, хто прапусьціў прыход свайго Караля? Будзьма ж як тыя нешматлікія людзі, чые духоўныя вочы былі адкрытыя, каб убачыць сапраўдны прыход Ягонага валадарства.

Дзейнасьць: Ісус вучыў нас маліцца аб тым, каб надышло валадарства. Спытайце незнаёмага чалавека, ці вы можаце памаліцца аб якой-небудзь патрэбе, што ён мае.