Падарожжа да ясьляўУзор

Божае сэрца раскрытае

Забудзьцеся на хвілінку пра ўсе тэалягічныя прычыны, якія тлумачаць, чаму Хрыстос прыйшоў на зямлю, і задумайцеся толькі над вялікай любоўю Бога да вас. Ён палюбіў вас так моцна, што Ён адклаў Сваю славу ды гонар дзеля таго, каб стаць Эмануэлем – Богам, Які ёсьць з намі. Вазьмеце пад увагу, што ўсё ад самага пачатку – ад Эдэмскага саду да Ягонай дзейнасьці ў вашым жыцьці – было матывавана і заплянавана любоўю.

Любоў прымусіла Яго зьявіцца простай удаве, якая дзесяцігодзьдзямі не адыходзіла ад храму і малілася аб прыходзе Збаўцы. Дзеля любові Бог мяняў Свой расклад, каб сустрэцца са шматлікімі асобамі, якім Ён служыў і якіх аздараўляў. Дзеля любові Ён еў зь безнадзейнымі грэшнікамі ды адчужанымі мытнікамі. Тых, каго адкідала грамадзтва, Ён прымаў. Ягонае жыцьцё было любоўю ў дзеяньні.

Пажыўшы сярод нас і запрасіўшы нас да сапраўднага, блізкага сяброўства з Сабой, Ісус паказаў нам сапраўднае сэрца Бога. Ён прыйшоў ня дзеля таго, каб уладарыць і зьнішчаць, а дзеля таго, каб збаўляць і прапанаваць новае жыцьцё тым, хто захоча прыйсьці да Яго.

Дзейнасьць: Патэлефануйце сябру (або сяброўцы), зь якім вы даўно ня гутарылі ды аднавеце вашае сяброўства.