Атрымаць прыкладаннеПадарожжа да ясьляўУзор
Ня проста яшчэ адно дзіцятка
Проста яшчэ аднаму дзіцятку не папярэднічалі б сотні прароцтваў аб Ягоным нараджэньні, жыцьці ды сьмерці.
Проста яшчэ адно дзіцятка не было б зачатае найбольш звышнатуральным спосабам у сьвеце.
Проста яшчэ адно дзіцятка не было б вартае абвесткі аб нараджэньні шматлікім нябесным войскам.
Проста яшчэ адно дзіцятка не прымусіла б пастухоў пакінуць сваіх авечак, каб пайсьці шукаць Яго.
Проста яшчэ адно дзіцятка ня змусіла б мудрацоў з усходу выбрацца ў пошукі Яго.
Проста яшчэ адно дзіцятка не зрабіла б Сымонава доўгае чаканьне вартым захадаў і не паклала б хвалы Богу ў Ганьніны вусны.
Проста яшчэ аднаму дзіцятку ня трэба было станавіцца чалавекам, які вяртаў зрок сьляпым, слых глухім, волю апанаваным, жыцьцё мёртвым і прабачэньне вінаватым.
Проста яшчэ аднаму дзіцятку ня трэба было станавіцца Божым Ягнём, Якое ахвотна ўзяло на Сябе грахі сьвету.
Не, Ён ня быў проста яшчэ адным дзіцяткам. Ён быў, ёсьць і заўжды будзе Ісусам Хрыстом, Каралём Каралёў і Госпадам Госпадаў.
Дзейнасьць: Прачытайце аповед пра нараджэньне Хрыста ў эвангельлі паводле Лукаша (1:26-2:21).
Сьвятое Пісьмо
Аб гэтым плане
У адну ціхую ноч 2000 гадоў таму, анёлы паведамілі навіну аб нараджэньні Збаўцы групе пастухоў, якія пасьвілі сваіх авечак. Калі пастухі пачулі тую навіну, дык яны пакінулі ўсё, каб пайсьці паглядзець на дзіцяня ў ясьлях у Бэтлееме. З часу тае падзеі прайшло вельмі шмат гадоў, але запрашэньне застаецца тым жа самым. Далучэцеся да доктара Чарльза Стэнлі, які дапаможа вам наблізіцца да Збаўцы ды натхне вас адпачыць у любові Бацькі ў гэтую пару.
More
