Падарожжа да ясьляўУзор

Бог бачыць больш

Шмат хто з нас можа падумаць, што калі б Ісус прыйшоў сёньня, то Ён выбраў бы выгадавацца ў ахайнай, адукаванай, багатай сям’і і абвясьціў бы цудоўную навіну аб Сваім нараджэньні строга абранай групе вядомых пастараў. Але насамрэч калядная гісторыя добра паказвае розьніцу паміж Божым бачаньнем і нашымі сьвецкімі нормамі. Сёньня Ісус мог бы нарадзіцца працавітаму мэханіку зь беднага кварталу і ягонай нарачонай афіцыянтцы. І, магчыма, што анёлы зьявіліся б групе былых вязьняў, што працуюць дапазна, каб скончыць капаць роў.

Мы часта забываемся на тое, што Марыя ды Язэп ня мелі значнага сацыяльнага статусу, і што пастухі – паводле тагачасных габрэйскіх мерак – былі нячыстымі й несумленнымі людзьмі. Кожная асоба, што стаяла каля Ісусавых ясьляў у тую ноч, добра ведала, што такое ізаляцыя й непрыманьне. Адылі гэта былі асаблівыя людзі, якіх Бог абраў, каб яны сталі сьведкамі адной з найбольш сьвятых падзеяў у гісторыі чалавецтва. Ён бачыў іхныя сэрцы й сапраўдную вартасьць – нават калі ніхто іншы таго ня бачыў.

Дзейнасьць: Разам зь сябрамі аднясеце якую-небудзь страву ў мясцовы прытулак для бяздомных.