Падарожжа да ясьляўУзор

Ягоная вышэйшая мэта

Падчас вялікіх расчараваньняў Бог часта дае нам магчымасьць адкрыць для сябе Ягоную вышэйшую мэту на нашае жыцьцё.

Пасьля Марыіных заручынаў зь Язэпам, яна паведаміла яму ашаламляльную навіну. Яна была цяжарная, і сьцьвярджала, што тое здарылася ў рэзультаце вялікага цуда. Язэпава сэрца, мусіць, разьбілася тады на дробныя аскепкі. Добрага выйсьця не было: ажаніцца зь няправеднай кабетай ды зьнесьці сорам, альбо публічна засароміць гэтую кабету, якую ён раней паважаў і пра якую дбаў. Як Бог наогул мог быць умяшаны ў гэтакі вар’яцкі пералом падзеяў?

У той час, як Язэп намагаўся заснуць той ноччу, да яго прыйшоў анёл і загадаў паверыць Марыі і ад усяго сэрца ўдзельнічаць разам зь ёй у гэтым незвычайным пакліканьні быць зямнымі бацькамі Божага Сына. Язэп мог бы адказаць недаверам або незадаволенасьцю. Але дзякуючы ягонай веры Бог ажыцьцявіў непараўнальна больш высокую мэту, празь якую ўсё чалавецтва мелася стаць дабраславёным назаўжды.

Дзейнасьць: Аддзяліце трохі часу з вашага дня на тое, каб пачытаць якому-небудзь дзіцяці ягоную ўлюбёную кнігу.