Падарожжа да ясьляўУзор

Адказваючы Богу


Заручыны Марыі ды Язэпа, мусіць, былі нечым такім, аб чым іхныя сем’і доўга маліліся. Абодва былі з роду караля Давіда — ідэальная пара, якая мелася радаваць абедзьве сям’і. Але раптам Бог умяшаўся ў іхныя пляны.

Шпаркасьць, зь якой анёл зьявіўся Марыі, не дала ёй часу падрыхтавацца да ягонага паведамленьня: яна здабыла мілату ў Бога й мелася нарадзіць Ягонага Сына — нягледзячы на тое, што яна яшчэ не спазнала мужа. Хутчэй за ўсё, яе апанаваў цэлы паток пачуцьцяў— апрача вялікага страху й зьдзіўленьня, у ейную галаву, пэўна, так і ліліся думкі аб тым, што падумаюць ейная сям’я і грамадзкасьць. Марыя мусіла вырашыць, ці варта было падпарадкавацца Божаму пляну, які на першы погляд падаваўся немагчымым і страшным.

Марыін адважны й пакорлівы адказ стаў прыкладам для кожнага верніка. Калі мы падпарадкоўваемся Божым “перашкодам”, то мы можам быць упэўненымі, што Ён заўсёды мае вышэйшыя мэты на нашае жыцьцё.

Дзейнасьць: Пацікаўцеся з вашай сям’ёй, як розныя культуры сьвяткуюць Раство. Абмяркуйце ўключэньне якіх-небудзь новых традыцыяў у вашае сьвяткаваньне.