Атрымаць прыкладаннеПадарожжа да ясьляўУзор
Гістарычнае адкупленьне
Эвангельле паводле Мацьвея пачынаецца з найважнейшага радаводнага дрэва ў гісторыі — радаводу Ісуса Хрыста. Хоць Мацьвееў сьпіс і зьяўляецца скарочаным, ён выдатна апісвае Ісусаву зямную сям’ю.
Першыя габрэйскія чытачы добра ведалі ўсе тыя важныя імёны. Мацьвей хацеў падкрэсьліць той факт, што Ісус нарадзіўся ад Сьвятога Духа, а таксама ў супярэчлівай чалавечай сям’і, якая складалася з рэальных людзей, у жыцьці якіх Бог дзеяў на працягу ўсяе гісторыі. Ісус паходзіў зь сям’і герояў і простых людзей, пачынальнікаў і ўцекачоў, збаўленых прастытутак і нераскаяных каралёў.
Гэны сьпіс можа падацца складаным для разуменьня й вымаўленьня. Але ён зьмяшчае гісторыі Божай любові й сілы, уплятаючы збаўленьне ў незьлічоныя ніці й дасягаючы найвышэйшага пункту ў Ісусе.
Дзейнасьць: Зрабеце сьпіс усяго таго, што Бог зрабіў для вас сёлета. Падзякуйце Госпада за тое, што Ён дбае пра вас.
Сьвятое Пісьмо
Аб гэтым плане
У адну ціхую ноч 2000 гадоў таму, анёлы паведамілі навіну аб нараджэньні Збаўцы групе пастухоў, якія пасьвілі сваіх авечак. Калі пастухі пачулі тую навіну, дык яны пакінулі ўсё, каб пайсьці паглядзець на дзіцяня ў ясьлях у Бэтлееме. З часу тае падзеі прайшло вельмі шмат гадоў, але запрашэньне застаецца тым жа самым. Далучэцеся да доктара Чарльза Стэнлі, які дапаможа вам наблізіцца да Збаўцы ды натхне вас адпачыць у любові Бацькі ў гэтую пару.
More
