"Фундамэнтальная Мудрасьць": Сямідзённае падарожжа для татаўУзор

Што ты пакінеш у спадчыну наступнаму пакаленьню?

“Да чаго бацька ймкнецца палка, да таго ягоныя дзеці будуць імкнуцца памяркоўна. Тое, да чаго бацька ймкнецца памяркоўна, ягоныя дзеці будуць ігнараваць… і ты не даведаесься аб выніках, пакуль ня ўбачыш, што зробяць твае ўнукі!”

Калі я ўпершыню пачуў гэта ад аднаго чалавека, я раззлаваўся. Тое ня можа быць праўдай, ну не заўсёды ж. Але потым той чалавек прывёў шматлікія прыклады са Сьвятога Пісьма.

Абрагам. Адданы. Паслухмяны. Вынайшоў слова “вера”. А ягоны сын Ісаак? Безумоўна, багабойны чалавек, але аднаго разу не паслухаўся Бога ды накіраваўся ў Эгіпет. А потым той выпадак, калі ён прыкінуўся, што ягоная жонка была ягонаю сястрою - грэх, які зрабіў таксама ягоны бацька шмат гадоў таму.

Ці гэтая тэорыя будзе вернаю, калі мы паглядзім на дзяцей іхных дзяцей?

Ісаакавыя дзеці, Якаў ды Ісаў, былі багабойныя. Але што наконт Якавага набыцьця першародства падманам? А Ісавава імпульсіўнасьць абмянаць тое першародства на міску тушаніны?

Сутнасьць справы ў тым, што мы, таты, павінны ймкнуцца да Бога палка, а не памяркоўна. Нашыя дзеці падсьведама вырашаюць, наколькі важнаю іхняя вера будзе ў іхным жыцьці, назіраючы за тым, наколькі важнаю ёсьць нашая вера ў нашым жыцьці.

Не рызыкуй. Будзь адданым Богу. Зрабі рашэньне быць адкрытым, прасякнутым вернасьцю, поўным ласкі пасьлядоўнікам Хрыста, што дае дзясятую частку, моліцца ды любіць.

Ты будзеш ведаць, прынамсі ад гэтага дня, што ты ймкнесься да Бога палка. Хай ніхто не называе цябе памяркоўным.

Магчыма, твае ўнукі будуць мець шанец!

Пытаньне: Ці твае дзеці апісалі б цябе як “палкі” ў тваёй любові да Ісуса?

Ці гэты плян чытаньня прымусіў цябе як бацьку паразважаць над пэўнымі рэчамі?

Даведайся больш пра “Фундамэнтальную Мудрасьць” тут.