Атрымаць прыкладанне"Фундамэнтальная Мудрасьць": Сямідзённае падарожжа для татаўУзор
Таты, якія йдуць за Ісусам
Таты, якія йдуць за Ісусам, мусяць дапамагчы сваім дзецям зразумець, кім яны ёсьць у Хрысьце. Ці вашае дзяця ведае, што яно зьяўляецца прыёмным дзіцём Валадара валадароў - цалкам прабачаным, цалкам дастатковым і цалкам годным?
Калі дзеці разумеюць, кім яны зьяўляюцца ў Хрысьце, то яны адкрываюць таясамасьць, поўную значэньня. Гэтая таясамасьць дапамагае ім ведаць, што рабіць тады, калі лінія паміж злом ды дабром падаецца няяснаю, альбо калі бацькі нешта забараняюць ім.
Ход іхных думак пачынае грунтавацца на “Што Ісус хоча, каб я зрабіў?”, бо іхняя таясамасьць у Хрысьце зьяўляецца падмуркам таго, кім яны зьяўляюцца.
Мае сябры Крэйг ды Керы маюць трох цудоўных дачок. Калі перад імі стаяць рашэньні наконт кароткіх спадніц ды блюзак з глыбокімі дэкальтэ, Керы пытаецца: “Ці гэта правільна?” Шмат якія дзеці пачалі б не пагаджацца, разважаючы, што маці навязвае ім сваё разуменьне таго, што ёсьць правільным.
Але гэтыя дзеці разьвілі ўласныя таясамасьці…уласныя меркі таго, што зьяўляецца правільным, а што - не. Яны пазьбеглі бальшыні спрэчак пра тое, што можна апранаць, а што нельга, бо яны самі паразважалі над гэтым. “Я ведаю, хто я. Людзі як я ня носяць такія рэчы. Людзі як я ня робяць такія рэчы.”
Пытаньне: Ці ты прыцягнеш увагу тваіх дзяцей да таясамасьці, дапамагаючы ім даведацца, кім яны зьяўляюцца ў Хрысьце?
Сьвятое Пісьмо
Аб гэтым плане
Нашыя таты моцна ўплываюць на разьвіцьцё нашае асобы. Аніводны чалавек не ўратоўваецца ад моцы й уплыву свайго зямнога бацькі. Паколькі бальшыня мужчынаў адчуваюць сябе непадрыхтаванымі быць татамі, то шукаць парадаў у Сьвятым Пісьме ды ад іншых татаў зьяўляецца істотным. "Фундамэнтальная Мудрасьць" - гэта падарожжа да мудрасьці ды спасьціжэньня ад іншых татаў, што ўлучае ў сабе правілы ды мудрасьць са Сьвятога Пісьма, а таксама досьвед старэйшага, мудрэйшага бацькі, які навучыўся з уласных памылак.
More
