"Фундамэнтальная Мудрасьць": Сямідзённае падарожжа для татаўУзор

Атрымаеш тое, што ўсхваляеш

Ці ты назіраў калі-небудзь, як маці “ўпрыгожвае” сваю дзяўчынку, знаёмячы яе з касмэтыкай, румянамі, ценямі для павекаў ды памадай яшчэ ў дзяцінстве? Потым дзяўчынка чуе, што яна вельмі прыгожая - не таму, што яна насамрэч прыгожая, а таму, што яна (альбо ейная маці) гэтак моцна стараецца.

Ці ты быў калі-небудзь на школьнай гульні бэйсболу і ці назіраў ты там, як нейкі тата радасна крычыць, калі ягоны сын зарабіў пункт або адбіў мяч? Ён дае пяць направа й налева, пакуль ягоны сын гуляе.

Я пражыў дастаткова доўга, каб убачыць, як некаторыя з тых хлопчыкаў ды дзяўчынак сталі мужчынамі ды жанчынамі, і я зразумеў, што мы атрымліваем тое, што мы ўсхваляем!

Калі мы марнуем гадзіны ды незьлічоныя рублі на тое, каб модна апрануць нашых дзяцей ды падлеткаў, дык яны будуць пагардлівымі моднікамі, калі пасталеюць. Калі мы ўхваляем нашых сыноў адно толькі за іхнія спартовыя дасягненьні, дык яны будуць фанатыкамі спорту, калі пасталеюць.

Няма нічога дрэннага ў прыгожым адзеньні або касмэтыцы, гэтак як і ў спорце няма нічога дрэннага.

Але будзь сьведамы таго, што ты ўсхваляеш у тваіх дзяцёх.

У маім лексыконе словы “ўсхваляць” ды “хваліць” узаемазамяняльныя. Тое, што ты хваліш у тваіх дзяцёх - гэта тое, да чаго яны самі будуць імкнуцца, калі стануць дарослымі.

Паспрабуй хваліць у тваім дзіцяці дабрыню да іншых. Заўваж, калі яны робяць нешта дзеля свайго брата або сястры. Пахвалі іх за гэта. Усхваляй іх за малітвы, чытаньне Бібліі, пытаньні пра Ісуса й ахвяраваньні грошай царкве, дабрачынным установам або бедным.


Памятай, ты заўсёды вядзеш. Пытаньне толькі, куды.

Пытаньне: Ці ты павядзеш, усхваляючы тое, кім твае дзець будуць, калі яны стануць дарослымі?