"Фундамэнтальная Мудрасьць": Сямідзённае падарожжа для татаўУзор

Бацька, які мала аб чым шкадуе

Была некалі гэткая эпоха ў бізнэсу, калі ў рашэньнях панаваў “рацыянальны мэтад”. Мы стваралі формулы ды ймкнуліся да найбольшае імавернасьці посьпеху й найменшае імавернасьці банкруцтва. Мы дзейнічалі, спадзяючыся, што калі мы зробім пэўныя рэчы, дык мы амаль заўжды дасягнем посьпеху.

Але як таты, мы не павінны гэтак жа разважаць пра выхаваньне нашых дзяцей. Што б мы ні рабілі, мы ня можам гарантаваць, што яны стануць цудоўнымі дарослымі, якія аддана ідуць за Ісусам. Але ж мы можам прымаць рашэньні, якія прывядуць да найменшага каэфіцыенту шкадаваньня! Мы можам абраць не рабіць рэчы, аб якіх мы потым будзем шкадаваць.

Вельмі шмат людзей маюць шнары ад татаў, якія не кантралявалі свае языкі ды злосьць. “І вы, бацькі, не дакучайце дзецям вашым, а гадуйце іх у навуцы й настаўленьні Госпадавым.” Як мінімум, мы павінны змоўкнуць. Кантраляваць свой крытыцызм ды злосьць. Звычайна мы нават і не заўважаем, што мы гэта робім…а потым ужо позна.

Мы прагнулі чуць словы ўхваленьня ды падтрымкі ад нашых татаў, але шмат хто з нас так іх і не пачуў. Пыха паралізуе нас, ці ня дзіўна гэта? Мы ахвотна катаемся на матацыклах, мэханічных быках ды ўэйкбордах, але нам цяжка перамагчы наш страх прагучаць дзіўна або лагодна, сказаўшы нашым сынам ды дочкам, што яны гэткія асаблівыя і што мы іх вельмі любім.

Ці ты цалкам пасьвяціў сябе на выхаваньне тваіх дзяцей? Ці ты выхоўваеш іх так, каб у цябе было як мага менш шкадаваньняў у будучыні?

Пытаньне: Ці ты жадаеш папрасіць Бога паказаць табе тое, аб чым у цябе будзе найбольш бацькоўскіх шкадаваньняў праз шмат гадоў? А потым папрасіць Яго даць табе адвагу ўзяцца за тое?