"Фундамэнтальная Мудрасьць": Сямідзённае падарожжа для татаўУзор

Дастатак ды нястача

Гадаваць дзяцей цяжка. Гэта, напэўна, найцяжэйшая справа ў сьвеце. Няма падручніку, няма дакладнае формулы, і да таго ж Бог робіць кожнае дзіцё розным, і тое ўскладняе гэтае нялёгкае заданьне. Празь нейкі час ты хапаеш хоць-якое правіла, што падаецца добрым; спрабуеш прымяніць яго, і калі яно працуе, то яно становіцца тваім.

З гэтае прычыны, я прапаную табе наступнае правіла: ствары асяродзьдзе дастатку для тваіх дзяцей.

Дзеці патрабуюць і прагнуць любові. Як і ўсё астатняе ў гэтым сьвеце, калі любові мала, то яна становіцца больш каштоўнаю ды вядзе да разладу. Калі яе шмат, то разладу не адбываецца.

Возьмем за прыклад нафту ды соль. Кожнай краіне патрэбная нафта, таму на яе ёсьць шмат канкурэнцыі. Цэны на яе высокія і безупынна растуць. Мы сварымся, махінуем, падкупляем, прадаем свае душы за нафту.

А вось соль, хоць і патрэбная чалавецтву, існуе ў дастатку. Пачак солі каштуе вельмі танна. Яе шмат.

Калі таты не цікавяцца сваімі дзецьмі, калі яны гэткія занятыя, што іхнія дзеці ніколі не адчуваюць, што яны зьяўляюцца важнымі, калі бацькоўская прысутнасьць ёсьць мінімальнаю й калі ён ніколі ня мае часу, каб пабыць зь імі, то ствараецца асяродзьдзе нястачы.

Але калі таты забясьпечваюць бясконцы запас любові, калі ёсьць пасьлядоўны дастатак татавае прысутнасьці, дык тады ў нашых хатах будзе меней канкурэнцыі, меней махінацыі, і болей супакою. Тата павінен быць там фізычна ды эмацыйна.

Асяродзьдзе дастатку не прыходзіць само па сабе, і яно не даецца нам лёгка.

Але яно таго вартае.

Пытаньне: Ці зьяўляецца твой дом асяродзьдзем дастатку або нястачы? Дзеці квітнеюць у асяродзьдзях са шчодраю любоўю. У асяродзьдзях зь нястачай ім цяжка.