"Фундамэнтальная Мудрасьць": Сямідзённае падарожжа для татаўУзор

Вячэраць разам

Я магу пералічыць па пальцах аднае рукі справы, у якіх мая жонка была ўпартай. Вячэраць разам была адной зь іх.

“Калі ты прыйдзеш да хаты?” - яна звычайна пыталася. “Я зусім закруціўся… няхутка,” - казаў я. Непахісная, яна адразу ж адказвала: “Дык раскруціся й выпраўляйся ў дарогу. У гэтай сям’і мы вячэрым разам. Ежа будзе гатовая й мы будзем за сталом а палове на дзевятнаццатую!”

Я трохі перабольшваю, але няшмат. Мая жонка настырна дамагалася, каб нашая сям’я вячэрала разам штовечар. Я спачатку не разумеў важнасьці гэтага.

Але зь цягам часу, асабліва калі мае дзеці сталі падлеткамі, я пачаў бачыць карыснасьць гэтага. Вячэра была адзіным часам штодня, калі мы сядалі твар у твар. Мы гутарылі пра розныя справы. Мы чулі іхныя разважаньні, яны чулі нашыя. Яны мелі магчымасьць бачыць, як іхныя бацькі размаўлялі, працавалі разам ды любілі адзін аднога. Брат сядзеў там зь сястрой і атрымліваў дозу сям’і.

Калі ня дома, дык дзе нашыя дзеці змогуць даведацца пра адданае каханьне, дынаміку сям’і, вернасьць, вырашэньне праблемаў у адносінах ды прабачэньне? Хто іх падтрыхтуе да жанімства ды сямейнага жыцьця? Я ня ведаю аб існаваньні хоць-якой “школы для будучых мужаў” або “школы для будучых жонак”, дзе нашыя дзеці маглі б навучыцца гэтаму.

Пытаньне: Ці зьбіраецца твая сям’я разам у хаце рэгулярна? Спытайся сам у сябе: “Праз дваццаць гадоў, ці будзе тое, чаму яны навучыліся вонкі, больш важным за “Асновы сям’і”?