У пошуках супакоюУзор

Як твае думкі ўплываюць на твой супакой

Калі мы будзем шчырымі самі з сабою, дык мы, напэўна, прызнаемся, што бальшыня з нас не зьяўляецца тым або кім мы думаем, што зьяўляемся. У лепшым выпадку, нашае мысьленьне зьяўляецца сапсаваным, няправільным і - ў бальшыні выпадкаў - патрабуе зьмены.

Як я ведаю, што гэта так? Акрамя таго, што я дазнаўся з майго шматгадовага пастарскага досьведу, я ведаю, Божае Слова заклікае нас да “абнаўленьня” розуму. Тое азначае абмяняць нашыя старыя адчуваньні, меркаваньні, уяўленьні, перакананьні ды эгаістычныя стаўленьні на новую сыстэму адчуваньняў, меркаваньняў, уяўленьняў, перакананьняў ды стаўленьняў, якія Бог разьвівае ў нас. Гэтая багабойная рэакцыя атрымліваецца ў рэзультаце рэгулярнага чытаньня Сьвятога Пісьма й разважаньня над прачытаным. Біблія раіць пасьлядоўнікам Хрыста: “Не прыпадабняйцеся веку гэтаму, але перамяняйцеся праз абнаўленьне розуму вашага, каб вам выпрабаваць, што ёсьць воля Божая, што добрае, і прыемнае Богу, і дасканалае” (Рымлянаў 12:2).

Абнаўленьне нашага мысьленьня прыводзіць нас да зьменаў у нашым маўленьні й паводзінах. У той час, як нашае маўленьне й паводзіны абнаўляюцца, нашыя стасункі зь іншымі таксама будуць абнаўляцца. І ў той час, як нашыя стасункі абнаўляюцца, наш непасрэдны сьвет таксама будзе абнаўляцца. Усё пачынаецца ў нашым розуму з таго, што мы абіраем думаць і над чым абіраем разважаць.

У цябе ёсьць здатнасьць вызначаць, што будзеш думаць. У хоць-які момант, ты можаш накіраваць твае думкі да новае тэмы, заданьня або задачы замест таго, каб думаць адмоўныя думкі, якія выкрадуць твой супакой і/або прымусяць цябе ўзбунтавацца або зграшыць. Ты можаш сказаць: “Я выбіраю давяраць Богу” ў хоць-якіх абставінах, у якіх ты апынаесься, або ў думках, якія намагаюцца апанаваць цябе.

Апрача таго, усякаму Божаму дзіцяці, што дабраахвотна абірае супрацьстаяць шкодным узорам мысьленьня, будзе дадзены выхад з гэных абставінаў. Калі ты зробіш першы крок у Божым накірунку, дык Ён абавязкова дапаможа табе засяродзіць тваю ўвагу на нечым адрозным ад тваёй праблемы або дрэннага ўзору мысьленьня.

Ахоўваючы твой розум, ты ахоўваеш твой супакой. Калі ты молісься Богу зь вераю ды ўдзячнасьцю - незалежна ад таго, празь якія выпрабаваньні праходзіш, - то Ён гарантуе табе ўнутраны супакой (Піліпянаў 4:6-7). І думаючы пра тое, што толькі ў ісьціне, што сумленнае, што справядлівае, што чыстае, што любае, што вартае хвалы, што толькі дабрадзейнасьць, ці што пахвалы годнае, ты спадзяесься на Бога з большаю вераю ды даверам.

Ты ніколі ня зможаш цалкам вычарпаць тваю здольнасьць думаць пра дабрыню й веліч Госпада. Абяры рэагаваць на жыцьцё так, як тое рабіў Ісус. Ахоўвай тваё малітоўнае жыцьцё. Ахоўвай твае думкі. Шукай Бацьку ды ўсяго таго, што ёсьць багабойным. Ягонае Слова абяцае, што калі ты напаўняеш твой розум усім тым, што ёсьць чыстым і вартым хвалы, дык “Бог супакою будзе з вамі” (Піліпянаў 4:9).