У пошуках супакоюУзор

Навучыся быць задаволеным

Каб мець унутраную задаволенасьць жыцьцём, трэба быць цалкам засяроджаным на Госпаду Ісусу Хрысту.

У маім жыцьці былі моманты, калі пэўныя праблемы або абставіны перашкаджалі мне спаць уначы. Я гадзінамі круціўся з боку на бок і ня мог заснуць. Я зразумеў, што найлепшае, што я мог зрабіць, калі я, здаецца, ня мог спыніць думкі пра пэўную рэч, гутарку або крытыку - гэта выбрацца з ложку, укленчыць ды зьвярнуцца да Бога: “Калі ласка, дапамажы мне разабрацца з гэтым. Дапамажы мне засяродзіць маю ўвагу на Табе.”

Я добра сплю, калі засяроджваю ўвагу на Госпаду й на тым, як Ён жадае, каб я думаў або эмацыйна рэагаваў на пэўную сытуацыю. Я зусім ня сплю, калі дазваляю сабе засяродзіць увагу на тым, што сказалі іншыя, на тым, што можа здарыцца, або на цяжкасьцях, якія чакаюць мяне наперадзе. Выбар насамрэч зусім просты - думаць пра Госпада й Ягоную шчодрую дапамогу, ахову й любоў, або думаць пра ўсіх людзей і абставіны, што намагаюцца пазбавіць цябе дапамогі, зруйнаваць тваё жыцьцё або выліць на цябе нянавісьць.

Думкі пра Госпада прыносяць чалавеку супакой. Думкі пра ўсё астатняе звычайна прыносяць трывогу, страх ды непакой.

Калі ты засяроджваесься на Госпаду, то важна, каб Ты разумеў, што Ён знаходзіцца побач з табою ў тваіх абставінах. Зашмат людзей думаюць, што Бог далёка. Яны не разумеюць, што Бог даступны непасрэдна ў іхным жыцьці. Праўда ў тым, што Ён знаходзіцца побач з намі штомомант, штодня.

Я памятаю найспакайнейшае месца, якое я калі-небудзь бачыў - Галілейскае мора. Шмат гадоў назад, я быў ля гэнага мора, што падалося мне ўвасабленьнем супакою й міру. Аднак сёньня ніхто, напэўна, і не падумае, што гэтае месца можна назваць спакойным. Яно знаходзіцца зусім недалёка ад Сырыі ды Лівану. Людзі звычайна думаюць, што Ізраіль - гэта гарачая кропка на мапе сьвету; месца, дзе, фактычна, няма супакою.

Але я адчуў там супакой. Чаму? Бо я адчуў там Госпада. Я адчуў Ягоную прысутнасьць.

Мне лёгка заплюшчыць вочы й убачыць, як Госпад ідзе побач са мною па беразе Галілейскага мора. Мне лёгка й карысна ўяўляць Госпада побач са мною ў розных прыгожых мясьцінах сьвету, якія я наведаў.

Супакой мне прыносяць ня тыя мясьціны, а адчуваньне Бога ў маім сэрцы, калі я знаходжуся ў гэных мясьцінах. Калі ў маё жыцьцё прыходзіць бяда, то адчуваньне “Бог побач” дапамагае мне перажываць ізноў, уяўляць, бачыць на духоўныя вочы.

Сябру, нягледзячы на тое, дзе ты знаходзісься, Ісус - гэта крыніца твайго задавальненьня. Заўваж, як Госпад ходзіць у супакоі побач з табою. Адчуй Ягоную прысутнасьць. Стань сьведамы Ягонае вялікае сілы й улады над тваім жыцьцём. Калі ты празь веру пачынаеш блізкія адносіны з Хрыстом, жывучы з упэўненасьцю ў тым, што Ён побач і што Ён дбае пра цябе, то я абяцаю: ты абавязкова зазнаеш сапраўдны супакой.

Калі ты змагаесься зь неспакоем у сьвеце, поўным невядомага, дык націсьні тут, каб даведацца больш пра тое, як ты можаш знайсьці супакой і жыць у ім.