У пошуках супакоюУзор

Жыві ў супакоі зь іншымі

Вось чэлендж, зь якім час ад часу сутыкаецца кожны з нас: як жыць у супакоі зь іншымі людзьмі ды прымірацца, калі адбываецца канфлікт?

Бог сапраўды жадае, каб мы жылі ў супакоі зь іншымі. Ён таксама ведае, што мы не заўсёды будзем быць у супакоі зь іншымі. Канфлікты здараюцца. Часам, іх нялёгка вырашыць. Насамрэч, існуюць і такія выпадкі, калі канфлікт немагчыма вырашыць. Адылі, Бог хоча, каб мы рабілі ўсё магчымае, каб жыць у супакоі з усімі людзьмі.

Будучы пасьлядоўнікамі Хрыста, мы добра ведаем, што калі Бог ня мае поўнага кантролю над нашым жыцьцём, то мы можам паводзіць сябе гэтак жа агідна, як нявернікі. Тое, што мы атрымалі збаўленьне, не ахоўвае нас ад подласьці, зайздрасьці, нянавісьці або злосьці. Толькі просячы Сьвятога Духа дзеяць у нас і праз нас, толькі падпарадкоўваючы наш характар Ягонаму характару, толькі імкнучыся быць Ягонымі прадстаўнікамі на гэтай зямлі ў кожных стасунках, што маем, мы можам пакінуць фанабэрыстасьць і пачаць паводзіць сябе так, каб усталяваць супакой.

Дык што рабіць з канфліктам, калі ён здараецца, і як дасягнуць мірнага рэзультату?

Па-першае, вызначы вартасьць адносінаў. Зьбіраючыся жыць у супакоі зь іншаю асобаю, ты мусіш вырашыць: “Ці гэтыя адносіны зьяўляюцца для мяне досыць каштоўнымі, каб іх зьберагчы? Ці я гатовы пайсьці на кампраміс у некаторых рэчах, каб гэтыя адносіны працавалі?” Я цьвёрда перакананы ў тым, што збаўленыя ласкаю людзі, у якіх жыве Сьвяты Дух, могуць знайсьці сапраўдны супакой у сваіх адносінах, калі абодва высока цэняць гэтыя адносіны.

Па-другое, пачні размаўляць… і працягвай размаўляць. Калі дзьве асобы размаўляюць - і гатовыя працягваць размаўляць і слухаць адна адную - яны хутчэй змогуць вырашыць свой канфлікт і жыць у супакоі.

Па-трэцяе, будзь шчырым. Нельга мець у сэрцы схаваныя хітрыя намеры або тайныя змовы і спадзявацца на добрыя адносіны. Калі ўзьнікае канфлікт, шчырасьць ды адкрытасьць зь іншымі дапаможа табе дасягнуць мірных рашэньняў.

Нарэшце, даведайся, у чым сутнасьць праблемы. Адкрыта размаўляючы зь іншымі, шчыра паглядзі на тое, што зьяўляецца коранем канфлікту, тады ты зможаш лепей разабрацца зь цяжкасьцямі ды ўсталяваць супакой.

Імкнучыся жыць у супакоі зь іншымі ды цьвёрда стоячы на праўдзе Божага Слова, ведай, што Бог стаіць побач з вамі. Ён зробіць так, каб усякі канфлікт або перасьлед, што ты перажываеш, паспрыяў табе на вечнае дабро. Тое забясьпечыць твой духоўны рост ды ўмацуе тваю веру й унутраную сілу.