لشهر نونبر؛ رحمات جديدة كل صباحعينة

العالم ديالك مكسور بشكل كبير ونت مازال عامر بالعيوب، ولكن يسوع حاضر وكريم وأمين.

أنا ونت عندنا جوج مشاكل كبار. أولاً، حنا كنعيشو في عالم مكسور بشكل كبير وماخدّامش بالطريقة اللّي بغا الله. ماغاديش تعيش في هاد العالم الساقط بلا ماتتألّم بشي طريقة. تقدر تكون حالة ديال شي ضُلم مؤلم. تقدر تكون نت ضحية شي عمل ديال العنف. ممكن أنك غتعاني من الطلاق أولا الخيانة ديال شي صديق. ممكن غتتعرّض للسرقة أولا گريساج. ممكن بحال بزّاف ديال الناس، غتعاني تحت التقل ديال شي حكومة فاسدة. ممكن شي مرض يضرب جسدك ويضعفه. ولكن حتى إلا ماواجهتيش هاد الأمور في طريقك، فراك غتعاني من المشقة والصعوبة ديال الحياة في عالم فين الأمور ماخدّاماش بالطريقة اللّي بغا الله. ولكن ماشي غير هادشي اللّي كاين. حتّى غيخصّك تواجه الإغراءات اللّي ماعندهم حد واللّي كيتسنّاوك في كل بلاصة. داكشي اللّي كيقول الله أنه خايب غيجي قدّامك على أنه مزيان. الأصوات المغرية كتهمس كدوب في ودنيك. غادي تغرا باش تبغي داكشي اللّي بعيد من خطة الله ليك. إلا ماخديتيش بجدية السقوط ديال العالم ديالك، فراك غتعيش مع توقعات ماشي منطقية وغتكون نية قدّام الإغراءات.

ولكن عندنا مشكلة خرا أساسية. وهي خيب من الشر اللّي كاين برّا منّا. هي الشر اللّي كاين فينا لداخل. إلا كنتي ولد الله، فراه قوة الخطية هرساتها نعمة الله اللّي كتبرّر، ولكن وجود الخطيّة مازال مستمر وكيتحيّد تدريجياً من خلال النعمة اللّي كتقدّس. هادشي كيعني أن الخطيّة ما زال كتعيش فيك لداخل. راه مشكلتك ماعمّر كتكون غير بيئية، هي ديما داخلية. إلا كنتي نقي كليّا في القلب، فراه الحياة في هاد العالم الساقط غتكون ساهلة بلا حدود. ولكن إلا كتأمن بالتعليم على القلب اللّي كاين في الكتاب المقدس، فراك غتعرف بلّي الخطيّة هي مشكلة ديال القلب أولاً وقبل ماتكون مشكلة ديال السلوك.

هاشنو خاصنا نفهمو أنا ونت وماعمّرنا خاصنا ننساوه: راه الشر اللّي فينا لداخل غير هو اللّي كيربطنا بالشر اللّي برّا منّا. الدنوب كيخلّيوني ضعيف قدّام الإغراء ديال الخطية. الإغراء ديال الخطية كيلعب على الرغبات الشريرة واللّي كتعبد الأصنام، اللّي مازال كتعيش في قلبي. الإغراء ديال الخطية كيقلّب على أنانيتي والطمع ديالي. الإغراء ديال الخطية كيقلّب على الكسل ديالي وعدم الصبر ديالي. الإغراء ديال الخطية كيشد الجانب المادي ديالي وعدم الرضا ديالي. الإغراء ديال الخطية كيمشي عند الرغبة ديالي في باش نعيش بطريقتي ونكتب القواعد ديالي.

ولكن يسوع هو حاضر بالنعمة دياله باش يعاونّا نتغلبو على هاد جوج مشاكل: "وَلَكِنْ فِينْ مَا كْتْرُو الدّْنُوبْ كَتْزِيدْ تْكْتَرْ النِّعْمَة دْ اللَّهْ" (رومية 5: 20). شحال مزيان نعرفو بلّي " وْكِمَا الدّْنُوبْ تّْحَكّْمُو وْتّْسَبّْبُو فْالْمُوتْ، هَكَّا النِّعْمَة دْ اللَّهْ كَتّْحَكّْمْ عْلَى أَسَاسْ التَّقْوَى وْكَتْعْطِي الْحَيَاةْ الدَّايْمَة بْرَبّْنَا يَسُوعْ الْمَسِيحْ." (الآية 21)؟

من أجل دراسة وتشجيع كتر: رومية 8: 1-17