لشهر نونبر؛ رحمات جديدة كل صباحعينة

العبادة الجماعية تصممات باش تخلّيك تبقا متواضع من خلال أنّها تفكّرك بحتياجك وتبقا شاكر من خلال أنها تفكّرك بالهدية ديال الله.

بالنسبة للعالم الغير المومن، هادشي هو غير حماق. "الخطيّة؟ ماشي شغلي. النعمة؟ مامحتاجهاش. القانون الأخلاقي؟ غندير قواعد ديالي، شكرًا. الجنّة؟ جهنّم؟ حتّى واحد ماكيتيّق هاداشي مازال. الخير والشر؟ شكون كيعرف؟ الحق والكدوب؟ شكون عنده الحق باش يقرّر؟ غير كون سعيد وماتأديش الناس". كنعيشو أنا ونت في عالم كيقول لينا بلّي كل هادشي هو حمق. هادشي علاش كنحتاجو نتفكرو مرارًا وتكرارًا. ماكايناش شي طريقة باش نقدر نقول هادشي حسن من الرسول بولس:

حيتْ الْبْشَارَة بْالْمُوتْ دْ الْمَسِيحْ عَنْدْ النَّاسْ اللِّي مَاشِي مُومْنِينْ حْمَاقْ، وَلَكِنْ عَنْدْنَا حْنَا اللِّي نْجِينَا رَاهْ هِيَ قُوَّةْ اللَّهْ.حِيتْ مْكْتُوبْ فْكْتَابْ اللَّهْ:

«غَادِي نْمْحِي الْحْكْمَة دْ الْحُكَمَا وْمَا نْقْبَلْشْ الْفْهَامَة دْ الْفُهَمَا».

فِينْ هُوَ الْحْكِيمْ؟وْفِينْ هُوَ الْعَالِمْ؟ وْفِينْ هُوَ الْفَيْلَسُوفْ دْيَالْ هَادْ الزّْمَانْ؟وَاشْ مَا رَدّْشْ اللَّهْ الْحْكْمَة دْيَالْ هَادْ الدّْنْيَا حْمَاقْ؟حِيتْ نَاسْ الدّْنْيَا بْالْحْكْمَة دْيَالْهُمْ مَا قَدْرُوشْ يْعَرْفُو الْحْكْمَة دْ اللَّهْ، وْهَكَّا بْغَا اللَّهْ يْنَجِّي اللِّي كَيْآمْنُو بِيهْ بْالْبْشَارَة اللِّي كَيْحَسْبُوهَا النَّاسْ حْمَاقْ.عْلَى هَادْشِّي رَاهْ لِيهُودْ كَيْطْلْبُو عَلَامَاتْ، وْالْيُونَانِيِّينْ كَيْقَلّْبُو عْلَى الْحْكْمَة، وَلَكِنْ حْنَا كَنْخَبّْرُو بْالْمَسِيحْ اللِّي تّْصْلَبْ، اللِّي هُوَ مُشْكِلَة لْلِيهُودْ وْحْمَاقْ لْلشّْعُوبْ اللِّي مَاشِي يْهُودْ. أَمَّا بْالنّْسْبَة لْلِّي خْتَارْهُمْ اللَّهْ، سْوَا كَانُو يْهُودْ وْلَا يُونَانِيِّينْ، رَاهْ الْمَسِيحْ هُوَ قُوَّةْ اللَّهْ وْالْحْكْمَة دْيَالُه.عْلَاحْقَّاشْ الْحْمَاقْ دْيَالْ اللَّهْ رَاهْ حْكْمَة كْتَرْ مْنْ حْكْمَةْ النَّاسْ، وْالضُّعْفْ دْيَالُه رَاهْ قْوَى مْنْ قُوَّةْ النَّاسْ. وْتّْفَكّْرُو آ الْخُوتْ، نْتُمَ اللِّي عَيّْطْ لِيكُمْ اللَّهْ، بْلِّي مَا فِيكُمْشْ بْزَّافْ دْيَالْ الْحُكَمَا عْلَى حْسَابْ الْحْكْمَة دْ بْنَادْمْ، وَلَا فِيكُمْ بْزَّافْ دْ الْقْوِيِّينْ وَلَا دْيَالْ الشّْرْفَة.

وَلَكِنْ اللَّهْ خْتَارْ اللِّي كَيْعْتَبْرُوهُمْ نَاسْ الدّْنْيَا حْمَّاقْ بَاشْ يْحَشّْمْ الْحُكَمَا، وْخْتَارْ اللِّي كَيْعْتَبْرُوهُمْ نَاسْ الدّْنْيَا ضُعَفَا بَاشْ يْحَشّْمْ الْقْوِيِّينْ. وْخْتَارْ اللَّهْ الضُّعَفَا وْالْمْحْݣُورِينْ وْاللِّي مَا عَنْدْهُمْ قِيمَة فْالدّْنْيَا، بَاشْ يْمْحِي اللِّي كَيْعْتَبْرُوهُمْ النَّاسْ عَنْدْهُمْ الْقِيمَة،وْهَكَّا حْتَّى وَاحْدْ مَا يْقْدَرْ يْفْتَخْرْ قُدَّامْ اللَّهْ.وْأَنَا مْلِّي جِيتْ لْعَنْدْكُمْ آ الْخُوتْ بَاشْ نْخَبّْرْكُمْ بْسِرّْ اللَّهْ، مَا جِيتْشْ وْأَنَا كَنْتّْكَلّْمْ مْعَاكُمْ بْالْحْكْمَة وْلَا بْكْلَامْ مَا مْفْهُومْشْ.حِيتْ قَرّْرْتْ بَاشْ مَا نْعْرَفْ حْتَّى شِي حَاجَة بِينَاتْكُمْ، مْنْ غِيرْ يَسُوعْ الْمَسِيحْ اللِّي تّْصْلَبْ.

وْمْلِّي جِيتْ لْعَنْدْكُمْ كْنْتْ كَنْحَسّْ بْالضُّعْفْ، وْالْخُوفْ، وْالرّْعْدَة الْكْتِيرَة، وْكْلَامِي وْالتّْبْشِيرْ دْيَالِي مَا كَانْشْ بْالْحْكْمَة دْيَالْ بْنَادْمْ، وَلَكِنْ بْالْبُرْهَانْ دْيَالْ قُوَّةْ رُوحْ اللَّهْ، بَاشْ مَا يْكُونْشْ إِيمَانْكُمْ مْبْنِي عْلَى حْكْمَةْ بْنَادْمْ، وَلَكِنْ يْكُونْ مْبْنِي عْلَى قُوَّةْ اللَّهْ. (كورنتوس اللّولة 1: 18-2: 5)

واش ماشي حسن أن الله دار خطة باش نقدرو نتجمعو بانتظام ونتفكرو داكشي اللّي العالم حدانا كيتجاهله أولا كيضحك عليه؟ وحنا كنتفكرو، قلوبنا كتعمر عوتاني بالشكر وكتبدا العبادة عوتاني. كنمشيو للدار بمعرفة متجدّدة بلّي النعمة ماشي حماق؛ لّا، هي الأساس ديال رجائنا.

من أجل دراسة وتشجيع كتر: كورنتوس اللّولة 2: 6-16