لشهر ماي؛ رحمات جديدة كل صباحعينة

العبادة الجماعية تصمّمات باش تحدّرك من الحرب من أجل السيطرة على قلبك وتورّيك المساعدة اللّي كاينة غير في يسوع.

واحد من الأسباب علاش دعانا الله باش نجتامعو بانتظام هو حيت حنا كننساو بزّاف. حنا كننساو شكون هو الله وكنحاولو نعيشو على أساس ستحقاقنا وقوّتنا. حنا كننساو شكون حنا والأدلة الواضحة اللّي كنلقاو كل نهار على حتياجنا العميق للنعمة اللّي كتفدي. حنا كننساو شحال مكسور العالم اللّي كنعيشو فيه، هادشي علاش كنعيشو بتوقعات غير واقعية ونية قدّام التجارب الروحية. حنا كننساو شحال هي زوينة مواردنا في المسيح، وشحال كامل التدبير دياله، والقيمة ديال أنه هو ديما قريب. حنا كننساو شحال كلمة الله هي حكيمة وكتشجّع وكتحمي وكتحرّر. حنا كننساو حتياجنا لجسد المسيح. بلّي حياتنا الروحية هي خاصها تكون مشروع جماعي. حنا كننساو حنا ماشي غير تباركنا باش ناخدو نعمة الله، ولكن حتى دعانا باش نكونو أدوات لديك النعمة في حياة الناس لخرين. حنا كننساو بلّي راه كاين بالحق واحد العدو كيدور باش يقطّعنا روحياً. حنا كننساو بلّي الحياة مايمكنش تلقاها في الخلق المادي. حنا كننساو بلّي حنا تخلقنا باش نعيشو من أجل مجد كبر من المجد ديالنا ومن أجل مملكة عضم من شنو كنبنيو بوحدنا. أه، خاصنا نجتامعو مرارًا وتكرارًا، ومن خلال العبادة والوعظ والشركة المتبادلة، خاصنا نتفكرو داكشي اللّي كنا كننساوه.

من الحوايج اللّي كننساوها هي أن الحرب الكبيرة في حياتنا هي ماشي حرب مع حوايج برّا منّا؛ هي الحرب اللّي مازال شاعلة فينا. في كل موقف وبلاصة وعلاقة في حياتنا، كاينة حرب من أجل السيطرة على قلوبنا. هادي حرب كبيرة حيت خلقنا الله باش نعيشو بقلوبنا. هادشي كيعني أن داكشي اللّي كيحكم قلوبنا هو اللّي كيشكّل أقوالنا وأفعالنا. هادشي علاش الحرب الكبيرة هي ماشي بحال الحروب الصغيرة اللّي كندخلو فيها مع الناس، الكريدي، الممتلكات المادية، الجنس، وزيد وزيد. لا، الحرب هي قاعدية كتر من كل هادشي. كنشوفو هادشي في كورنتوس التانية 5: 15: "وْهُوَ مَاتْ عْلَى وْدّْ ݣَاعْ النَّاسْ، بَاشْ مَا يْعِيشُوشْ مْنْ بَعْدْ لْرَاسْهُمْ، وَلَكِنْ لْهَادَاكْ اللِّي مَاتْ وْتّْبْعَتْ مْنْ الْمُوتْ عْلَى وْدّْهُمْ." واش غنعيشو من أجل نفوسنا، ونخلّيو الحياة تكون هي الحدود الصغيرة ديال رغباتنا ومشاعرنا وحتياجاتنا ومطالبنا وتوقعاتنا وزيد وزيد، أولا غنعيشو من أجل الله؟ كل هادشي كيبان بحال غير عقيدة، ولكن راه هو عملي بزّأف وتطبيقي بزّاف. كل نهار كتدير رجائك وأحلام قلبك والرِّضا ديالك وفرحك في شي حاجة. كل نهار كتقلّب على شي حاجة باش تعطيك الحياة. كل نهار كتعطي نفسك لشي حاجة على أمل باش تعطيك السلام والفرح. كل نهار كتربط هويتك بشي حاجة، وكاينين غير جوج بلايص فين تقدر تقلّب. إما غتقلّب على الحياة في الخلق ونت في طريقك باش يخيب ضنّك، أولا كتمشي لعند الخالق ونت في طريقك لسلام القلب الدائم. العبادة الجماعية تصمّمات باش تفكرك مرارًا وتكرارًا فين تقدر تلقا الحياة باش تقدر تحبس تقلّب أفقياً على داكشي اللّي تعطاك من قبل في يسوع.

من أجل دراسة وتشجيع كتر: يعقوب 4: 13 - 5: 6