لشهر ماي؛ رحمات جديدة كل صباحعينة

"وْنْجِّينَا مْنْ الشِّيطَانْ..." (متى 6: 13 ب) كنعتارف أن الشر اللّي فيّا هو اللّي كيربطني بالشر اللّي برّا منّي، وكنقلّب على الإنقاد ديال النعمة.

إلا سعيد دفع فاطمة، وخلاها تطيح وتضرب راسها، ونت جيتي للبيت وسوّلتي سعيد علاش دار هادشي، فراه ماغاديش يهدر على راسه. غيهدر على شنو دارت فاطمة أولا كيفاش هو عتروه الألعاب اللّي في البيت، ولكن هو ماغيقولش: "عندي خطيية في قلبي كتخلّيني نكون أناني، هادشي كيخليني ندفع الناس للّي كيجيو في طريقي. عافاك صلّي من أجلي أ ماما ". ماغتسمعش هادشي منّه حيت واخّا سعيد عنده غير خمس سنين، فهو من قبل مقتانع بالفكرة الغالطة أن أكبر المشاكل دياله في الحياة كاينين برّا منّه، وماشي فيه. هو بغا يفكّر بلّي كل الأخطار الكبيرة هما "برّا وبعاد".

كيما سعيد، حنا كلنا واعرين بزّاف في تفسير سلوكنا الغالط من خلال أننا نشيرو للمواقف والبلايص والأحدات والناس اللّي في حياتنا. حنا كنحاولو بقوة باش نقنعو نفوسنا بلّي المشكل مايمكنش يكون هو حنا. كنحررو نفوسنا من اللومة وكنقولو:

• "هي مافهماتنيش مزيان."
• "كنت مشغول."
• "ماشي هادشي اللّي قصدت."
• "ماكنتش كنحس مزيان."
• "هادي هي شخصيتي."
• "سمحلي، غير نسيت."
• "ممكن ماسمعتكش."
• "هو اللّي قنعني."
• "نت ماكتعرفش شحال صعيبة الحياة معاه."
• "غير كان مابقاش عندي الوقت."
• "سمحلي- شي حوايج خرا خرجو ليّا في الطريق."

حنا كلنا واعرين بزّاف باش نقنعو نفوسنا باش نفكرو بلّي داكشي اللّي كيقول الله هو غلط، في الحقيقة هو ماشي غلط، أولا بلّي كلامنا وسلوكنا كيفضحو المواقف والناس اللّي في حياتنا كتر ماكيفضوحنا حنا. حنا ماكنقبلوش الحق اللّي كيقول بلّي غير الشر اللّي كاين فينا هو اللّي كيجدبنا للشر اللّي برّا منّا.

ملّي النعمة خلاتك قادر باش تصلّي "ْنجِّينَا مْنْ الشِّيطَانْ"، فنت كتعترف بلّي الشر اللّي هو أكبر خطر عليك هو الشر اللّي فيك. نت كتعتارف بلّي تقدر تهرب من الشر في شي بلاصة معينة، وتقدر تتجنب شي موقف ديال الشر، وتقدر تهرب من شخص شرير، ولكن ماتقدرش تهرب من راسك. النعمة بوحدها هي اللّي عندها القوة باش تنجّيك من نفسك وتنجّيك من أخطر شر كاين- الشر اللّي مازال كاين في قلبك. تضرّع من أجل ديك النعمة.

من أجل دراسة وتشجيع كتر: مزمور 14