Hartseer Stukkies: 'n Nuwe Benadering om Deur Droefheid te GroeiVoorbeeld

Nadat jy deur hartseer of verlies gegaan het, sal jy uiteindelik baie duidelik kan sien en verstaan hoe kosbaar die lewe en geliefdes is ... en 'n gulde geleentheid hê om ware, opregte dankbaarheid te ontwikkel.

Eendag, terwyl ek op 'n sosiale netwerk was, het ek opgemerk hoe baie mense gekla het. Ek het die volgende geskryf as 'n manier om my gedagtes in woorde uit te druk.

"Vir elke ouer wat oor hul kinders kla ... daar is iemand wat God smeek om hulle met 'n baba te seën ... en iemand anders wat ALLES sou prysgee om 'n buskaartjie hemel toe te koop om hul kind net vir vyf minute te sien.
Vir elke persoon wat kerm oor hul lewensmaat, is daar iemand wat hulself aan die slaap huil oor die leë spasie langs hulle in die bed.
Vir almal wat kla oor hul ouers, is daar iemand wat so graag hul ouers nog net een keer 'n bietjie raad wil vra.
Vir elke persoon wat kla omdat hulle oefeninge moet doen, is daar iemand wat siek of gestremd is wat bitter graag die vermoë sou wou hê om selfs net 'n halwe kilometer te kan loop."

Daar is SO baie in die lewe om voor dankbaar te wees, maar ons moet die kuns aanleer om dankbaar te wees en ons oë oophou om werklik ons seëninge raak te sien.

Soms is dit baie moeilik om ons seëninge raak te sien, of selfs dankbaar te wees, as ons oorweldig word met diep hartverskeurende droefheid. In sulke oomblikke moet ons ons gedagtes leer om so te dink: "Moenie fokus op wat jy nie het nie of wat jy nie kan doen nie ... fokus op wie jy WEL het en wat jy KAN doen!"

Dit is beslis wys om God elke dag vir sy hulp te vra.

Verander jou PERSPEKTIEF en kies om God deur jou swaarkry te vertrou.
Dit is 'n keuse om God se huidige seëninge in ons lewens raak te sien, asook om te besef watter lesse Hy ons toegelaat het om uit ons hartseerervarings te leer. Een van my wonderlikste lesse was om voort te gaan in dankbaarheid vir alles, veral my geliefdes, vir alles dankie te sê, want die Here is baie, baie goed.