My Allerbeste vir Sy HoogsteVoorbeeld

Om Die Volgende Stap Te Neem

Wanneer jy geen visie van God het nie, geen geesdrif in jou lewe oor het nie, en daar niemand is wat na jou omsien en jou aanmoedig nie, dan vereis dit die genade van die Almagtige God om jou die volgende stap te laat neem in jou toewyding aan Hom, in die lees en bestudering van Sy Woord, in jou gesinslewe, of in jou plig teenoor Hom. Dit verg baie meer van God se genade, en 'n veel groter bewustheid om op Hom staat te maak om die volgende stap te neem, as wat dit verg om die evangelie te verkondig.

Elke Christen moet die wese van die vleeswording ervaar deur die volgende stap in die vlees-en-bloed werklikheid te neem en daardeur met sy hande te werk. Ons verloor belangstelling en gee op wanneer ons geen visie, geen aanmoediging en geen verbetering ervaar nie, en slegs ons daaglikse lewe met sy nietige take beleef. Die ding wat regtig vir God en Sy mense in die langtermyn getuig, is bestendige deursettingsvermoë, selfs wanneer ons werk nie deur ander gesien kan word nie. En die enigste manier om 'n oorwinningslewe te lei, is om na God te kyk. Vra God om die oë van jou gees op die opgestane Christus te hou, dan sal dit onmoontlik wees vir sleurwerk om jou te ontmoedig. Moenie jouself toelaat om te dink dat sommige take benede jou waardigheid is of te onbelangrik vir jou is om te doen nie, en herinner jouself aan die voorbeeld van Christus in Johannes 13: 1-17.

O Heer, red ons van 'n murmurerende gees, wat skadelik is, en wat die opbloei van die geestelike gemeenskap belemmer.