Ons Daaglikse Brood: Vind Troos ten Tye van Verlies Voorbeeld

Hou Aan Praat Oor Jesus

Pastoor Eloy Pacheco het by 'n begrafnis van 'n gelowige gesê dat Jesus die enigste blywende bron van vertroosting is. Daarna het 'n vrou vir hom gesê: "Julle predikers is almal dieselfde. Al waaroor julle praat, is Jesus, Jesus, Jesus!"

"Dis waar," het hy vriendelik geantwoord.

"Wat se troos het jy om vir die bedroefde familie aan te bied?"

Sy was vir 'n paar oomblikke sprakeloos, en toe sê sy, "Jy is reg. Ten minste het jy Jesus."

Vroeër of later sal iemand wat vir ons kosbaar is, sterf, en ons sal vertroos wil word. 'n Drukkie, 'n vriendelike daad, gedeelde trane, en die teenwoordigheid van 'n vriend, kan hartseer se pyn 'n bietjie verlig. Hierdie gebare sal egter nie ons dringendste vrae beantwoord nie: Wat is ander kant die graf? Waar is die persoon nou? Sal ons in die hemel herenig word? Hoe kan ek die versekering van ewige lewe hê?

Vir die antwoorde op hierdie vrae moet ons na Jesus Christus kyk. Hy is die Een wat die sonde en die dood oorwin het deur vir ons aan die kruis te sterf en uit die graf op te staan (1 Korintiërs 15:1-28,57). Omdat Hy lewe, sal almal wat hulle geloof in Hom stel, vir ewig saam met Hom lewe (Johannes 11:25).

Wanneer 'n gelowige in Christus sterf, kan ons wat agterbly, vertroosting en vertroue in Hom vind. Kom ons praat dus oor Jesus. — Dennis de Haan

In lewe en in dood, is ons enigste hoop Jesus.