Lewe Deur Die Gees: Oordenkings Deur John PiperVoorbeeld

Die Gees Help Ons Om Te Sterf

As jy ter wille van Christus se naam beledig word, is jy geseënd, want die Gees van heerlikheid en van God is in jou — 1 Petrus 4:14.

Corrie ten Boom vertel dat sy as dogter bekommerd was of sy haar man sou kon staan teen die gevaar van die Duitsers. Sy het swak gevoel wanneer sy nagedink het oor wat kon gebeur. Ek dink dit was haar pa wat vir haar hierdie illustrasie gegee het: "As jy op 'n treinrit gaan, gee ek vir jou 'n kaartjie drie weke voor die tyd of net voor jy in die trein klim?" Sy het geantwoord: "Sodra ek inklim." "Net so sal God vir jou spesiale krag gee wanneer jy dit nodig het en nie voor die tyd nie."

Ek glo 1 Petrus 4:14 belowe dat ons in ons grootste nood, moed en geloof sal ontvang waartoe ons nie gedink het ons in staat is nie. Die Heilige Gees sal jou help om te sterf.

Volgens oorlewering is Paulus deur Nero onthoof. Paulus se laaste brief was heel moontlik 2 Timoteus. Sy stryd het alreeds begin. Stel jou hierdie ou soldaat voor, vol oorlogswonde, in aanhouding in Rome. Hy word voor die hof gebring. Almal weet dat sy dae getel is. Hy is 'n gemerkte man. Nie een van sy vriende is by hom nie. Hy verdedig homself. Hy word nog 'n keer aangehoor — dan is dit die einde. Hy gaan terug na sy sel en skryf dan hierdie woorde aan Timoteus (2 Timoteus 4:16-17): "Toe ek my die eerste keer voor die hof moes verdedig, het niemand my bygestaan nie; almal het my in die steek gelaat. Mag God hulle dit nie toereken nie!"

Ek bid dat jy hierdie woorde sal onthou: Die Gees help jou om te sterf. Hy sal by jou wees as daar niemand anders is nie. Hy sal jou help om jou geloof te behou. Hy sal jou sy heerlikheid laat sien. Hy sal jou help om Christus in jou dood te verheerlik. Jy sal moed kry waartoe jy nie gedink het jy in staat is nie. Die Gees van heerlikheid en van God sal op jou rus en jou "huis toe" dra.

Vind meer uit: http://www.desiringgod.org/messages/the-holy-spirit-will-help-you-die