Hoop vir elke dagVoorbeeld

Verloor beheer

Dawid roep na God. Dit voel vir hom of ’n sterk stroom hom meesleur. Dis sleg as jy voel jy verloor beheer oor jou omstandighede. Dinge gebeur soms net en jy word eenvoudig meegevoer. As daar iets is wat jy in sulke omstandighede kan doen, moet jy dit doen. Moenie weifel nie en moenie uitstel nie. In baie situasies kan jy nog beheer neem en dinge omkeer. Tree reg op en behou jou getuienis as ’n kind van God.

Dan is daar egter omstandighede waaraan jy niks kan doen nie – waar jy geen beheer het nie. Moet dan nie wanhoop nie. Gee jou dan eerder bewustelik en gelowig aan God oor. Hy het immers steeds beheer! Jy sal nie sink nie – God sal jou dra.

Almagtige God, die stroom is sterk teen my. Ek gee my nou oor aan u beheer. Amen.