Hoop vir elke dagVoorbeeld

God red

Selfs hier in Dawid se donkerste gedagtes is daar ’n ondertoon van geloof, want hy deel daardie donker gedagtes met God. Dis dalk deur sy praat-met-God dat sy geloof gegroei het, want op die laagtepunt breek geloof deur. Nou besef hy sy uitkoms is verseker.

Ons kan die krisis op twee maniere beleef. As ons sonder hoop is, voel dit of God weg is en of alles verlore is. Ons sien net die ergste uitkoms. Dan kan die besef egter weer in ons harte daag dat God steeds die saak onder beheer het, al lyk dinge hoe sleg. Daardie besef verander alles. Dan kry ons hoop – en Bybelse hoop is so ’n vaste en seker saak – en kry ons weer krag.

Here, vuur weer die hoop in my hart aan – gee my weer krag! Amen.