7 Vrae Wat In Die Gedagtes Van Meeste Mans MaalVoorbeeld

Ons het ons ideale toekoms - op 70, in gedagte: ek wil gesond genoeg wees om gholf te speel. En ons het bepaal watter stappe dit sal neem om daar uit te kom - voltooi fisioterapie vir my kniepyn. Ons is dus almal gereed, né? Kom ons byt op ons tande en begin.

Nie so haastig nie.

Daar is 'n hindernis in ons pad wat ons nie sommer net met wilskrag en deursettingsvermoë kan oorkom nie: sonde. Dit is aantreklik, verleidelik, aangenaam, bedrieglik en dodelik. En niemand word gespaar nie.

Sonde is versteek in honderde versoekings, maar ons sal die een wat bykans universeel is aanpak.

Ons vraag vir vandag is: Wat van vrouens?

Die vervulling van die korttermyn begeertes van sonde, ondermyn jou vermoë om jou langtermyn begeertes te vervul. Jy kan nie daardie buurvrou, lugwaardin of kollega hê én die soort huwelik wat jy wil in jou goue jare wil hê nie.

Ons reaksie op sonde se versoeking is tipies 'n refrein van "Moenie kyk nie. Moenie begeer nie. Moenie eet nie. Moenie drink nie." Ons probeer dubbeld so hard daaraan werk om 'n beter man te wees. Tog werk dit nooit nie, né? Vandag se Skriflesing in Romeine herinner ons hoekom: maak nie saak hoeveel beter ons wil doen nie, die kwade - sonde - is aan die werk in ons.

Gelukkig, soos ons in Galasiërs lees, kan ons vryheid van sonde hê deur 'n enkele woord in ons woordeskat te verander. Moenie sê: "Moenie!" nie. Sê: "Help!" Die enigste manier om sonde te beheer, is deur die krag van die Heilige Gees. Al wat jy moet doen is om te vra.

PROBEER DIT VANDAG DOEN

As jy deur sonde versoek word, vervang die woord "Moenie" met die woord "Help." "Heilige Gees, help my om weg te kyk en herinner my dat my uiteindelike doel 'n gelukkige verhouding met my vrou is."