Eenvoudig net Kersfees is 'n Vyf-Dag leesplan op Youversion oor die herwinning van vrede in die Kerstyd, geskryf deur Tama FortnerVoorbeeld

Die Lig van Kersfees

Skrifgedeelte: Psalm 119:105; Johannes1:1-4; Johannes 8:12

Die Kerstyd is propvol liggies — op bome, in ons huise en in die glinsterende oë van opgewonde kinders. Selfs die Kersverhaal is vol lig; die engele wat die hemelruim verlig het vir die skaapwagters, die ster wat die wyse manne gevolg het en die helderste lig dié van God se Seun wat in Betlehem gebore is en in 'n krip neergelê is.

Daardie lig skyn steeds.

Sien ons dit raak? Of het ons toegelaat dat ons besige lewens daardie lig verdonker?

Miskien is van die vrae wat jy nou vra: "Hoe sien ek daardie lig raak? Hoe kan ek daardie lig in my lewe laat skyn en die donker verdryf?" Want jy het, net soos ek, en almal van ons wat braaf of desperaat genoeg is om dit te erken, daardie lig nodig. Waar kry ons daardie lig?

In 'n wêreld waar antwoorde nooit eenvoudig is nie, is hierdie een — in die Woord. Dit is die goeie nuus wat Jesus gebring het. Dit is die lig wat vir ons die weg wys en die duisternis verdryf.

Ons lees in Johannes 1, die Woord gee lewe en lig. In elke tydperk.

Almagtige God en hemelse Vader, laat u lig my die weg wys, vandag en elke dag. Amen.

Kom ons herwin Kersfees

Dink na oor wat jy werklik vir hierdie Kerstyd wil hê. Wat is die heel belangrikste vir jou? Wat is die emosionele en fisieke ervarings wat jy graag vir jou en jou gesin wil hê? Waarsonder sal jy eerder leef? Wees eerlik — niemand hoef hierdie lys te sien nie! Gebruik hierdie antwoorde om jou ja en nee antwoorde te lei soos jy God se lig nastreef tydens die dae van feesviering en chaos wat volg.