Verspotte GeloofVoorbeeld

Moet Nooit Opgee Nie

Wanneer jy eers die geloof het om God se verspotte woord uit te leef, sal dit jou net 'n oomblik neem om daar te kom. Kom ons wees eerlik: om te wag is nie lekker nie. Om te wag beteken egter nie jy moet solank deur Twitter blaai of vir ure Netflix kyk nie. Om te wag beteken diens. Raak gewoond daaraan om te sê: "Hoe kan ek help?" "Het jy nog iets nodig?"

Moenie jou wagtyd verkwis nie. God gebruik die wagtyd om jou te vorm tot wie jy moet wees wanneer Hy jou daar ontmoet. Om jou huwelik te herstel moet jy dalk vir berading gaan. As jy die effektiewe uitvoerende hoof van daardie toekomstige maatskappy wil wees, moet jy dalk vir 'n kursus inskryf en 'n mentor kry. Vir jou om met integriteit vir miljoene mense te preek, sal jy karakter en wysheid in privaatheid met God moet ontwikkel. Vir jou om jou seergemaakte kind se vertroue terug te wen, moet jy jou as betroubaar, geduldig en met uithouvermoë en genade bewys. 

Paulus sê in sy brief aan die Galasiërs: "Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel" (Galasiërs 6:9). 

Hierdie vyf woorde vang die kern vas: as ons nie verslap nie. Dit is 'n groot as, maar ek verseker jou die vrugte sal "op die bestemde tyd" kom en sal die verspotte wag die moeite werd maak.

Die regte tyd is op pad. Ek glo dit vir jou. Ek glo dit vir jou gesin. Ek glo dit vir jou onderneming. Ek glo dit vir jou geestelike, fisieke, verstandelike, emosionele en finansiële gesondheid. 

Onthou dat God nie daarin belangstel om jou net een keer te seën nie; Hy wil sy sluise oopmaak om sy seën voortdurend op jou te laat neerkom. Hy wil dit weer en weer bevestig, vir mense wat reg is om handdoek in te gooi dat Hy werklik is. 

Wanneer almal sê dit is onmoontlik, wanneer die berekeninge onwaarskynlik is, wanneer die berg te hoog lyk, wanneer alles net verspot lyk ... kyk jy hulle in die oë, met jou kop omhoog en jou skouers agteroor, en verklaar as volg: 

"Dit is net verspot totdat dit gebeur." 

Wat is die volgende tree om op jou verspotte pad te neem? Watter bemoediging, uitdaging, ondersteuning, of verantwoordbaarheid het jy nodig om te begin? Vra daarvoor.

Ons hoop hierdie leesplan het jou bemoedig. Leer meer oor Verspotte Geloof by Michael Todd hier.