Verspotte GeloofVoorbeeld

Moderne Helde

Ek is seker jy sal met my saamstem dat hierdie wêreld waarin ons leef, maar taamlik deurmekaar is. Vir dinge om te herstel, het ons meer dikwels wonderwerke nodig. As ons regtig verspotte resultate wil hê, moet ons verspot baie geloof hê — selfs as dit moeilik is. Nou het ek egter 'n vraag vir jou: Hoe graag wil jy dit hê? 

Ek definieer verspotte geloof as "gedagtes en dade wat jy sonder rede het, maar waarin jy ten volle glo, al kan jy dit nie onomwonde bewys nie." Waarom praat ons nog van helde uit die Bybel soos Noag, Moses, en Paulus? Omdat hulle so ten volle geglo het in wat God hulle geroep het om te doen. Hulle was gewillig om hulle geloof uit te leef selfs wanneer mense hulle verspot genoem het. 

Dink aan iemand vir wie jy respek het. Jy vier daardie persoon omdat sy dit gewaag het om 'n pad te stap wat die meeste ander sou vermy het. Die ongelukkige waarheid is dat die meeste gelowiges 'n veilige, stil lewe lei en nooit die volle belofte van God raaksien nie. 

Die punt is, God sal jou soms vra om dinge te doen wat glad nie rasioneel of logies voorkom nie, dinge wat mense misverstaan of 'n grap van maak. Die Bybel is vol sulke verhale.

God wil hê jy moet sy moderne held wees. Hy wil hê mense moet na die geloof kyk wat jy het en hulle eie geloof daarvolgens aanpas. Die geloof wat jy het om 'n nuwe onderneming te begin te midde van 'n ekonomiese krisis, om te glo iemand gaan gesond word, as die dokters meen dit is onmoontlik, om te laat gaan en aan te beweeg na hartverskeurende droefheid — jou verspotte geloof is wat Hy wil gebruik om 'n wonderwerk te laat gebeur. Hy soek nie iemand wat Hom al die redes sal gee waarom dit nie kan gebeur nie. Hy soek iemand wat glo as Hy dit sê sal dit gebeur. 

Memoriseer Jesus se woorde in Johannes 15:16: "Julle het My nie uitgekies nie, maar Ek het julle uitgekies en julle aangestel om uit te gaan en vrugte te dra, vrugte wat sal hou. So sal die Vader aan julle gee wat julle ook al in my Naam vra." As en wanneer jy hierdie week onwaardig, vol twyfel, angstig, ongeduldig, ongemotiveerd, of oorweldig voel, laat die Heilige Gees jou herinner aan hierdie belofte oor jou doel. Jy is nie 'n fout nie! Jy is uitverkies!