Laai die Bybeltoep afOorkom Angs: Jou Bybelse Gids Tot Bevryding Van Angs En Bekommernis Voorbeeld
Rus Onder God Se Vlerk
Jy mag dalk eendag vry en rustig voel, en die volgende dag kom die lewe met sy onverwagse probleme. Iemand maak jou gevoelens seer. Die Satan stel 'n lokval om jou vreugde te steel. Jou gevoelens mislei jou. Die lewe gaan aan en jy moet weer aanpassings maak.
Om voortdurend teen angs te waak, sal jy elke dag jou gedagtes moet vernuwe. Jy sal soggens moet opstaan met die wete dat die Satan jou gedagtes gaan probeer binnedring voordat jou voete die grond raak. Hy sal probeer om jou te laat dink aan die vorige dag se deurmekaarspul wat jy nog nie verwerk het nie. Hy sal doelbewus probeer om jou onder te kry. Jy moet 'n daadwerklike poging aanwend om hom elke dag voor te bly.
Jy moet daardie moeë liggaam uit die bed sleep, daardie koppie koffie vat en in jou gunsteling stoel gaan sit om jouself met die Woord van God te bewapen. Jy moet dadelik by Jesus se skuiling uitkom deur Psalm 91:1 aan te haal: “Hy wat by die Allerhoogste skuiling vind en die beskerming van die Almagtige geniet." As jy dit doen, selfs al wag 'n dol dag met 'n ellelange taaklys, kan jy vrede hê omdat jy gekies het om onder sy vlerk te skuil.
Gebedsfokus: Staan tyd met God in gebed af. Dank Hom dat Hy gekom het sodat jy 'n lewe van vrede kan lei.
Aangaande hierdie leesplan
Volgens die Angs en Depressie Vereniging van Amerika is angsversteuring die mees algemene geestesongesteldheid in die Verenigde State. Dit affekteer meer as veertig miljoen volwassenes. Jy is dalk een van die baie individue wat met angs sukkel, en glo dat jy medikasie nodig het of onder die sorg van 'n dokter moet wees om die vrede te vind wat jy so desperaat begeer. Die waarheid is dat die vrede waarna jy streef vryelik in die Woord van God aan jou gegee word. Ontdek hierdie vrede deur angs en vrees te oorkom en te beëindig.
More
