Ten volle Toegewyd: SkeppingVoorbeeld

God Het Verhoudings Geskep

Ons is geskep as die beeld van 'n Drie-enige God. Dit is wat Christene bedoel as hulle sê God is die Drie-eenheid. God is een wese wat bestaan ​​uit drie verskillende persone. Hierdie persone is God die Vader, God die Seun en God die Heilige Gees. 

Die begrip "verhouding" is verweef in die aard van God. Dit beteken dat, om as die beeld van God geskep te wees, insluit om vir verhoudings gemaak te wees. 

Dit word geïllustreer deur drie baie kragtige verse in Genesis 1 en Genesis 2.

"God het die mens geskep as sy verteenwoordiger, as beeld van God het Hy die mens geskep, man en vrou het Hy hulle geskep" Genesis 1:27. 

Daar staan ​​nie as die beeld van God is hy of sy geskep nie. As beeld van God het Hy hulle geskep. Ons kan nie op ons eie volkome mens wees nie, want slegs in verhoudings kan ons die verwante aard van ons Drie-enige God akkuraat weerspieël.  

In Genesis 2 word ons bekendgestel aan die eerste deel van God se skepping wat volgens Hom nie goed is nie:  

"Verder het die Here God gesê: 'Dit is nie goed dat die mens alleen is nie. Ek sal vir hom iemand maak wat hom kan help, sy gelyke'" Genesis 2:18.

Dit is nie goed vir iemand om alleen te wees nie. Ons is almal geskape om in gemeenskap te lewe — met mekaar en met God. Daarom is isolasie so gevaarlik. Isolasie is nie neutraal nie, of selfs net onaangenaam nie. Om geïsoleer te word, is om die volheid mis te loop van wat dit beteken om mens te wees. 'n Deel van menswees sluit in dat ons geskape is as beeld van ons God van verhoudings.

Wanneer ons buite verhoudings leef, sal ons altyd 'n ruimte hê wat deur niks anders gevul kan word nie. Hierdie idee kom na vore wanneer God vir Adam sê hy moet die diere name gee. Nadat hy name aan al die verskillende wesens by hom gegee het, lees ons:

"... maar vir homself het hy nie 'n helper, 'n gelyke, gekry nie" Genesis 2:20.

As nie een van die diere 'n geskikte helper vir hom sou wees nie, waarom het God hulle dan almal aan hom gewys? 

Miskien is dit omdat God vir Adam wou wys hoe anders mense as elke ander lewende wese is, voordat Hy hom aan 'n geskikte helper voorgestel het. Alhoewel mense en ander diere op sommige maniere eenders kan wees, is die mens uniek omdat ons as die beeld van God geskep is. As gevolg hiervan, kan ons behoefte aan verhoudings net bevredig word in gemeenskap met God en diegene wat na sy beeld geskep is. 

Joernaalvrae 

• Skryf een van die verse uit die Skrifgedeelte van vandag neer. Het jy die gepaste klem gelê op verhoudings in jou lewe? Waarom of waarom nie?
• Hoe kan jy van vandag af kies om isolasie te verwerp en 'n gemeenskap te bou? 
• Verander die begrip ​​van God as van nature ingestel op verhoudings, jou siening van Hom?

Memoriseervers

"God het die mens geskep as sy verteenwoordiger, as beeld van God het Hy die mens geskep, man en vrou het Hy hulle geskep" Genesis 1:27.