Ten volle Toegewyd: SkeppingVoorbeeld

Daarmee Het Hy Oor Hulle Geblaas

In Johannes se weergawe van Jesus se opstanding, het 'n vrou genaamd Maria verkeerdelik die opgestane Jesus vir 'n tuinier aangesien. Sy het nie 'n tuinier gesien en gedink dit is Jesus nie, sy het Jesus gesien en gedink Hy is 'n tuinier. Waarom is dit belangrik? Omdat Maria nie by die graf opgedaag en verwag het dat Jesus sou lewe nie. Sy het verwag dat Hy sou doen wat dooie mense doen — om dood te wees. 

Deur hierdie besonderhede in sy evangelie in te sluit, help Johannes ons om iets te sien wat ons met die eerste oogopslag kon mis. As Joodse skrywer, gebruik Johannes 'n tegniek wat bekend staan ​​as die Beginsel van Eerste Vermelding. Deur aan te toon dat die opstanding van Jesus in 'n tuin plaasgevind het, roep Johannes sy lesers terug na die eerste vermelding van 'n tuin in die Bybel. Wat toevallig die skeppingsverhaal is wat in Genesis gevind word. 

Johannes glo deur die lewe, dood en opstanding van Jesus, is die rebellie van die mensdom ongedaan gemaak, die siekte van die sonde is genees en die weg na God is geopenbaar. 

Hy wys ons dat die pad na God deur Jesus gebaan is. Dus kan enigiemand wat besluit om hul lewe aan Hom toe te wy, deelneem aan sy missie om die hemel na die aarde te bring. 

Dit is ook 'n voorafskadu van die Eden wat nog kom. Die Bybelse verhaal begin met God en sy mense wat in volkome harmonie in die tuin van Eden leef, en dit eindig met God en sy mense wat weer in 'n nuwe Eden herenig word. 

Die keerpunt vind plaas in 'n tuin waar 'n man wat veronderstel was om dood te wees, uit sy graf gestap het. 

Die verband eindig nie daar nie. Later in die hoofstuk verskyn Jesus voor sy dissipels en doen Hy iets baie interessant: 

"Nadat Hy dit gesê het, blaas Hy oor hulle en sê: 'Ontvang die Heilige Gees!'"Johannes 20:22.

Onthou jy Genesis 2?

"Die Here God het toe die mens gevorm uit stof van die aarde en lewensasem in sy neus geblaas, sodat die mens 'n lewende wese geword het" Genesis 2:7.

In Genesis het God sy asem uitgeblaas — die Hebreeuse woord vir asem is dieselfde woord vir gees — en die man het lewend geword. In Johannes blaas Jesus oor sy dissipels en gee hulle nuwe lewe in die vorm van die Heilige Gees. 

Jesus se opstanding is die begin van 'n nuwe skeppingsverhaal. As gevolg van Jesus se opstanding uit die graf, word die wêreld reggestel.

Joernaalvrae 

• Beskryf in jou eie woorde die verband tussen die twee tuine waaroor ons vandag gelees het. Wat vertel dit ons oor God?
• Hoe help vandag se Skrifgedeelte jou om die rol te verstaan wat jy in God se verhaal speel? 
• Wat dink jy beteken dit om vervul te word met die Gees van God?

Memoriseervers

"Nee God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het" Efesiërs 2:10.