Laai die Bybeltoep afOomblikke Van InspirasieVoorbeeld
UITBRANDING
Daar is soveel dinge wat gedoen moet word, en te min ure in die dag. Waar kry ek ekstra krag wanneer dit voel of ek heeltemal uitgeput is?
Uitbranding is totale uitputting wat deur spanning veroorsaak is. Ons almal beleef tye wanneer ons emosioneel, verstandelik, fisiek en geestelik getap voel. In ons hoëoktaan-, 24/7-lewe is dit nie snaaks dat ons uitgeput word nie. Ons moet vir ons fisieke liggaam sorg deur reg te eet, te oefen en genoeg rus te kry, anders kan ons nie effektief funksioneer nie.
Een van die beste maniere om uitbranding teen te werk, is om tyd te maak vir stilwees by God. Wanneer ons skedules so vol is, is tyd by God is dikwels die eerste ding wat in die slag bly. Wanneer ons stil word by Hom, kan ons herlaai deur in te skakel op sy krag, vrede, beskerming en liefde. Sit tyd opsy om sy Woord te lees, asook ’n goeie boek wat jou geestelik uitdaag. Wanneer jy op God se prioriteite fokus, sal jou eie prioriteite duideliker word.
Die Here is my herder; daar is niks wat my ontbreek nie. Hy laat my lê in groen weivelde; na water waar rus is, lei Hy my. Hy gee my nuwe krag. Hy lei my op die pad van geregtigheid tot eer van sy Naam. (Psalm 23:1-3)
Aangaande hierdie leesplan
Op enige tydstip in jou lewe kan jy jou in ’n uitdagende situasie bevind – van spanning by die werk en huishoudelike uitdagings tot finansiële probleme. Ware moed spruit egter uit die wete dat God groter is as jou grootste probleem en dat Hy wil hê jy moet sy krag gebruik in sulke omstandighede. Skep moed met hierdie 10 kort en kragtige oordenkings uit OOMBLIKKE VAN INSPIRASIE.
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://www.cumbooks.co.za
