Daaglikse Oordenkings met Greg LaurieVoorbeeld

Wat My Verbaas

Ek vind dit verbasend hoe mense Jesus Christus verwerp sonder om eens die tyd te neem om sy aansprake te oorweeg. As jy soms met iemand oor die Christelike geloof praat, sal hul partykeer sê: “Wel, dit is nie vir my nie. Ek glo nie daarin nie.”

”Wel het jy al ooit die Bybel gelees?”
“Nee.”
“Ek het op die oomblik inderdaad ʼn Bybel hier. Sal jy — ”
“Sit daai ding weg!”

Noem die naam van Jesus of die feit dat jy ʼn Christen is en dit sal dikwels die einde van die gesprek wees.

'n Ruk terug het ek ʼn stad besoek vir ʼn vergadering ter voorbereiding van ʼn Harvest Veldtog. Terwyl ek rondloop, het ek besluit om by ʼn plek mosselsop te eet. Die man wat my bestelling geneem het, was baie sosiaal en spraaksaam en terwyl ons gepraat het, het ek gesê: “Haai, ek het gewonder of ek een van die strooibiljette hier kan opsit? Ons hou hierdie geleentheid.” Toe het ek een van ons strooibiljette van ons Veldtog aan hom oorhandig.

Hy het dit gelees en gesê: "Wag ... wag ... dit is ʼn Christen-orkes.”

Ek het gesê: “Ja, dit is ʼn Christen-orkes. Dit is ʼn Christen geleentheid. Ons gaan praat oor Jesus Christus en hoe om in ʼn verhouding met Hom te tree."

Die man was baie ontsteld. Ek het net na hom geluister sonder om hom te onderbreek. Terwyl hy vir ʼn ruk lank voortgegaan het, het hy my vertel hoekom hy nie in die evangelie, die Bybel, ens. glo nie. Toe het ek hom gevra waarin hy glo en ons het nog ʼn rukkie gepraat.

Dit is wat ek uitgevind het: Christene word daarvan beskuldig dat hulle onverdraagsaam is, al het ek ervaar dat dit nie werklik die geval is nie. In plaas daarvan het ek gevind dat die mees onverdraagsame mense dié is wat die meeste van onverdraagsaamheid praat.

Ter opsomming: Het jy gevind dat die mees onverdraagsame mense dié is wat die meeste daarvan praat om verdraagsaam te wees?


Kopiereg © 2012 deur Harvest Ministries. Alle regte voorbehou.