Hoe Om Gelukkig Te WeesVoorbeeld

Emosies Is Nie Alles Nie

Moes jy al ooit deur iets baie moeiliks gegaan het? Hoe het dit jou laat voel? Het jy gevoel of jy nooit van daardie gevoel sou kon ontsnap nie? Dalk het jy gevoel dat niemand nog ooit so erg seergemaak gevoel het soos jy nie of beleef wat jy tans beleef nie.

Dit is wat die vyand wil hê jy moet voel — alleen. Die belangrikste is dat ons vyand wil hê ons moet glo daar is geen hoop vir enigiets anders nie, want niks sal ooit verander nie.

Daar is egter 'n tyd vir alles. Ons gaan deur seisoene. Sommige seisoene is regtig goed, en ander seisoene is regtig sleg. Dus, wanneer jy goed voel oor iets, hou daaraan vas, geniet dit en vier dit. Dank God daarvoor.

Wanneer die lewe egter moeilik is en jy voel terneergedruk, hartseer of kwaad, moenie moedeloos raak nie, want dit is net vir 'n seisoen. Dit sal verbygaan. Jy sal nie vir ewig so voel nie.

Jy mag dalk voel dat dit die einde van die wêreld is, maar dit is nie. Die kans is goed dat dit die begin van iets nuuts is. Die verlies van 'n vriendskap, 'n stokperdjie, 'n droom of 'n idee kan jou na jou volgende seisoen lei. Dit mag dalk net 'n gelukkiger seisoen wees as wat jy al ooit ervaar het.

As jy hartseer, eensaam of moedeloos voel, onthou net, dit sal nie vir ewig wees nie. Dinge sal vir jou verander.

Weet dat God ander dinge vir jou in die vooruitsig het. Hy het groot planne vir jou lewe. Hy kan enigiets neem waardeur jy gaan en dit verander in iets wat Hy vir sy heerlikheid kan gebruik en om ander te help.

Die seisoen waarin jy nou is, kan moeilik wees, maar ek belowe jou hierdie: jou seisoen sal verander.