'n Sprong van VreugdeVoorbeeld

Besef jy dat die eenvoudige besluit om die Bybel elke dag te lees, een van die mees strategiese keuses tot vreugde is wat jy ooit sal neem? Die Bybel is oneindig magtiger as enige ander menslike antwoord op emosionele siektes.

Die Bybel is nie net 'n plat boek nie. Dit is 'n dinamiese bron van die hemel se mag. So baie mense sê vir my dat hulle nie die Bybel verstaan nie ... en ek sê vir hulle dat dit in orde is! Hou net aan om dit te lees! Ons lees nie altyd die Woord van God vir inligting nie, maar ons lees dit altyd vir verandering! Ek waarborg jou dat dít wat jou verstand nie in staat is om te verstaan nie, jou gees sal absorbeer!

Omdat jy regtig 'n vyand het ... en omdat hy werklik verstaan watter krag 'n Christen verkry deur die Bybel te lees ... sal die duiwel enigiets en alles waartoe hy in staat is, doen om jou te oortuig om nie die Woord van God te lees nie.

Dissipline is nooit maklik nie en dit verg altyd groot fokus en doelgerigtheid. Moenie verskonings maak waarom jy nie gister die Bybel kon lees of waarom jy nie vandag die Bybel kan lees nie ... doen dit net! Neem die doelbewuste besluit om elke dag tyd met die Woord van God deur te bring en jy sal meer as genoeg vreugde hê om met die wêreld om jou te deel.

My gebed vir jou vandag is dat jy saam met die profeet Jeremia sal verklaar: "Ek het u woorde verslind toe hulle gekom het, hulle was vir my 'n vreugde ..."