Maak Oop in Geval van Nood Voorbeeld

Die begin van iets nuuts

Wanneer jy in die middel van 'n moeilike lewenstydperk is, kan dit moeilik wees om te sien deur die waas waarin jy verkeer. Soms kan ons nie die volgende tree voor ons sien nie, en dan voel dit asof ons teen die rotse verpletter gaan word. Ek glo dat wanneer ons reg in die middel van die dal van doodskaduwee is, is ons die meeste van ons afhanklikheid van Jesus bewus.

Ek het in die lewe geleer dat wanneer ek ook al verdwaal het in die mistigheid van droefheid of pyn of onsekerheid, dít juis is wanneer God my na 'n nuwe plek van geloof en volwassenheid bring. Terwyl ons dit nie aanvanklik kan sien nie, is daar altyd 'n doel met ons pyn — en God wil die moeilike tye gebruik om iets nuuts in ons te laat groei. In der waarheid het God ons tog gewaarsku dat ons dit moeilik in hierdie wêreld sal hê, maar Hy het ook deur die profeet Jesaja gevra " … sou Ek die moederskoot laat oopgaan en nie 'n geboorte laat plaasvind nie ...?" (Jesaja 66:9).

Vandag, te midde van jou pyn … wanneer onsekerheid jou soos mis omring en jy nie kan sien waar jy gaan nie — weet dat God besig is om iets nuuts in jou tot stand te bring.