Maak Oop in Geval van Nood Voorbeeld

Gevestig in God

Ons het almal al gesien hoe bome hulle blare verloor en gedurende die winter rus. In Israel se woestyngebied is daar egter bome wat vir dekades die intense hitte en droogte kan oorleef. Op die oppervlak lyk hierdie bome maar droog en leweloos, maar hulle het 'n diep wortelstelsel wat hulle gedurende die droogste van tye voed. Selfs gedurende tye van uiterste en aanhoudende droogte, is hierdie bome steeds in staat om koelte aan die mense te verskaf, hout vir vuur, en in sommige gevalle selfs ook vrugte as kos. God het hierdie bome spesifiek so ontwerp om te kan oorleef tydens die moeilikste tye.

Dit is die beeld wat die profeet Jeremia gebruik het toe hy geskryf het: "Dit gaan goed met die mens wat sy vertroue in die Here stel, die mens vir wie die Here 'n veilige vesting is; so iemand is soos 'n boom wat by water geplant is en sy wortels na die stroom toe uitstoot ..." (Jeremia 17:7-8).

Gaan jy tans deur 'n moeilike tyd? Is jy vandag midde-in 'n droogte? Dit is die tyd wanneer God wil hê dat jy 'n diepgewortelde vertroue in Hom moet ontwikkel — nie net sodat jy jou eie omstandighede kan oorleef nie, maar ook sodat jy die mense om jou deur jou geloof kan seën.