Hoe is God? 'n 21-dag LeesplanVoorbeeld

God Is Ons Vader

Was jy al ooit in 'n verhouding met iemand wat jou besonders laat voel het? Mense met baie invloed of "kontakte" kry spesiale behandeling. Hulle kry kaartjies om die kleedkamers na 'n konsert te besoek, toegang tot die sitkamer en buffet-ete vir belangrike persone of die beste sitplekke by 'n wedstryd. Daardie soort netwerke verander ons in iemand, ongelukkig nie weens ons eie verdienste nie, maar gebaseer op wie ons ken.

Ons word telkens in die Bybel daaraan herinner dat ons kinders van God word wanneer ons Jesus aanvaar.

Ons word telkens in die Bybel daaraan herinner dat ons kinders van God word wanneer ons Jesus aanvaar. Sjoe, dit is nou vir jou 'n kontak om te hê! Watter ander godsdiens of geloofstelsel bied aanvaarding deur die Skepper van die heelal (Romeine 8:15-17)?

Die Bybel sê ook, as sy kinders mag ons "Abba, Vader" tot God roep (Romeine 8:15). Dit is dieselfde intieme aanspreekvorm as "Pappa." As God ons Pappa is, verander dit hoe ons Hom benader. Ons vorder van vreesbevange slawe van 'n onbekende God tot kinders wat na God toe kan hardloop en op sy skoot sit om van Hom te leer. Ons sien Hom as iemand na wie ons ons toevlug kan neem wanneer ons in die moeilikheid is, eerder as iemand vir wie ons wil wegkruip.

Om God as ons Pappa te beleef, verander ook hoe ons na onsself kyk. Wanneer ons onsself as God se geliefde kinders sien, besef ons dat ons waarde het, ongeag ons plek op die pawiljoen.

Oordink die volgende:

• Het jy verhoudingsprobleme met jou aardse vader wat jou verhoed om na God as jou "Pappa" te kyk? Ons leer God as “Abba” ken wanneer ons tyd saam met Hom deurbring en Bybel lees. In watter opsig dink jy kan dit jou siening verander van wie Hy werklik is?
• Het jy al die verbintenis met God gemaak om sy kind te word? As jy dit nog nie gedoen het nie, kan jy dit sommer nou dadelik doen.