Laai die Bybeltoep afHoe is God? 'n 21-dag LeesplanVoorbeeld
God Is Heilig
God wil in der waarheid hê dat jy anders moet wees — nie net wat jou persoonlikheid, voorkeure en afkeure betref nie. Om egter te verstaan hoe elkeen geroepe is om anders te wees, moet ons eers kyk hoe God anders is.
God roep ons om anders te wees, afgesonder vir 'n hoër doel.
Een van God se name is Jehova-M'Kaddesh, wat beteken "die Here wat heilig maak" (Levitikus 20:7-8, Eksodus 31:13). Heiligmaking is 'n groot, kerklike woord wat beteken om afgesonder of eenkant te wees. Ons gebruik dikwels die terme heilig, geheilig en heiligmaking. Ons kan nie onsself heilig maak nie, dus het God dit vir ons gedoen deur Jesus se lewe, sterwe en opstanding. Hy roep ons om anders te wees, afgesonder vir 'n hoër doel. Net so het Hy die Israeliete geroep om anders as die wêreld om hulle te wees:
"Julle moet al my voorskrifte en bepalings gehoorsaam en dit uitvoer ... Julle mag nie die gebruike van die nasies wat ek voor julle gaan uitdryf, navolg nie ... Ek is die Here julle God, Ek het julle afgesonder van die ander volke" (Levitikus 20:22-24).
Levitikus was die wetboek wat die Israeliete moes nakom. Dit het aan God se mense gewys wie Hy is, wie Hy wou hê hulle moes wees en hoe Hy wou hê hulle moet lewe. Dit sou vir die Israeliete baie maklik gewees het om die gebruike en gelowe van die omliggende groepe aan te neem: heidense aanbidding, gewelddadige wette, menslike offers, en vele meer. God wou egter hê die Israeliete moes anders wees, nie in teenkanting teenoor daardie mense nie, maar as voorbeelde vir hoe om in 'n beter verhouding met ander en met Hom te lewe (Levitikus 22-24). Hy wou hê dat hulle anders moes wees.
Vandag wil Hy nog dieselfde vir ons hê. Om Jesus te volg is 'n teen-kulturele lewenswyse, wat buitestanders uitnooi om deel daaraan te hê en wat ons vernuwe hoe nader ons aan Hom kom.
Oordink die volgende:
- God se begeerte is om ons heilig te maak (of af te sonder vir 'n hoër doel). Wat leer dit ons van Hom en sy wese?
- Hoe verander die besef dat God jou afsonder jou optrede teenoor jouself en ander?
- Wat glo jy wil God deur jou afsondering doen of bereik?
Aangaande hierdie leesplan
Hoe is God? Dit is 'n groot vraag, maar 'n belangrike een. Wat ons van God verstaan, sal bepaal hoe ons onsself met Hom vereenselwig. Hoe meer ons van God weet, hoe beter sal ons verhouding met Hom wees. Regdeur die Bybel openbaar God wie Hy is. Elke naam van God vertel ons iets van Hom. Oordink God se karakter oor die volgende 21 dae en kyk hoe jou liefde vir Hom groei.
More
