Hernuwe Jou Huwelik in 31 DaeVoorbeeld

Die toekoms is 'n vreemdeling, maar as julle twee op die Een fokus wat julle toekoms vashou, hoef julle nie bekommerd te wees oor wat dit kan inhou nie. 

•••

Vrees ... Sjoe ... Vrees is 'n leuenaar, maar so maklik om te glo. Dit is so maklik om paniekerig te raak wanneer jou rekeninge meer as jou inkomste is. Of as 'n geliefde regtig siek is. Of as die motor onklaar raak. Of wanneer ________ (vul die spasie in). Daar is soveel verskillende omstandighede en situasies wat ons kan laat vrees. Vrees probeer altyd 'n plek in ons lewens en huwelike kry. Ons dien egter 'n God vir wie ons aandag en energie baie meer werd is as die leuens wat ons probeer lamlê en ons huwelike belemmer. Vandag is die dag om jou bekommernis in lofprysing te verander en God te dank dat jy oor niks bekommerd hoef te wees nie. Dank Hom dat jy Hom letterlik met alles kan vertrou en vir die Satan kan sê dat jy nie sy leuens glo nie. 

As vrees jou vandag probeer gespanne maak, vra jouself af of God daaroor gespanne is, voordat jy toelaat dat dit jou beheer. Hy is nooit gespanne nie, want Hy het reeds 'n plan.