Eerder Vreugde as Spanning: Hoe Om Vreugde 'n Daaglikse Gewoonte te MaakVoorbeeld

Ter opsomming

Ek het eenkeer 'n Christen ontmoet wat geglo het dat iets met hom verkeerd was, omdat hy 'n gelowige was, maar nie vreugde gehad het nie. 

Dit was vir hom maklik om te glo dat hy vreugde moes hê. Baie mense neem aan dat vreugde vanselfsprekend in Christenskap is — dat die oomblik wanneer jy 'n gelowige word, jy outomaties die vreugde van Jesus het.

Maar dit is nie wat die Bybel sê nie. 

Inteendeel, die Bybel sê dat ons moeilike tye sal beleef. Dit waarborg nie onmiddellike vreugde nie.

Gelukkig sê Jesus ook dat ons nie as weeskinders in die wêreld agtergelaat sal word nie (Johannes 14:18). Hy stuur die Heilige Gees om by ons te wees. Wanneer ons in die Gees lewe, sal ons die vrugte van die Gees ervaar — en een daarvan is vreugde (Galasiërs 5:22).

Vreugde kom nie vanselfsprekend vir die Christen nie. Dit is iets wat ons gedurig moet inoefen. Die goeie nuus is egter: ons het toegang tot vreugde deur die Gees. Met die teenwoordigheid van die Gees, kan ons deur moeilike ervarings groei. 

Maar natuurlik moet ons hierdie vreugde kweek. As ons aanhoudend moeilikhede probeer ontvlug, sal ons "swig voor begeertes van die sondige natuur" (Galasiërs 5:16), en ontneem ons onsself van die vreugde wat God vir ons wil gee.

Hier is 'n paar praktiese maniere wat ons kan gebruik om die vermoë te ontwikkel om vreugde deur die Gees te kan ervaar:

• Neem negatiewe gedagtes gevange
• Laat negatiewe emosies toe
• Moenie probeer om hierdie emosie deur plesier te ontsnap nie

Vreugde is aan die ander kant van hierdie drie aksies. As ons hierdie aksies te midde van ons daaglikse spanning toepas, stem ons eerder vir vreugde.

Gaan maak vreugde nou 'n gewoonte.

Ons hoop hierdie leesplan het jou bemoedig. Leer meer oor praktiese, Bybelse vreugde by https://nealsamudre.com/overstress/.