JosuaVoorbeeld

Lees: Josua 24:19-23; 2 Timoteus 2:20-21

SOAP: 2 Timoteus 2:21

Vir verdere nalees: Josua 24:16-18; 24-33

Ons laaste dag van studie in die boek Josua herinner ons aan ’n waarheid wat ons deur die hele boek gesien het – ons het ’n heilige God wat nie sonde in sy teenwoordigheid duld nie. Die goeie nuus vir ons vandag is dat ons nie langer onder die wet leef soos Josua nie, maar onder die genade. Dit beteken dat, wanneer ons sondig, God ons nie versaak nie. Hy vergewe en reinig ons.

Een van die lesse wat Josua ons leer is dat dit baie maklik is om ons aan God te verbind en om gehoorsaamheid aan Hom te belowe. Maar dis nie so maklik om Hom ten volle te vertrou en sy gebooie te onderhou nie. 

God wil jou gebruik. Maar, om dit te doen, moet jy jouself nie net tot Hom verbind nie, jy moet ook ernstig raak in jou soeke na God, volkome op Hom vertrou en sy Woord uitleef. Dit maak nie saak wat jy alles gesien het of hoe onvoldoende jy voel nie. Wanneer jy jou sonde voor God bely, was Hy jou outomaties skoon, en maak jou bruikbaar vir sy diens. 

Kom ons neem onsself vandag voor om te vlug van sonde en geregtigheid na te jaag. Om te streef na gemeenskap met God en ander Christene. Om ’n bruikbare voorwerp te wees vir sy glorie. 

Vader, dankie vir hierdie studie van Josua. Dankie vir al die lesse wat ek geleer het. Ek wil vir U en U alleen leef.

In Jesus se naam.

Amen.