JosuaVoorbeeld

Lees: Josua 21:43-45

SOAP: Josua 21:45

Vir verdere nalees: Josua 21:13-42

Ons nader nou die einde van die boek Josua. En dit eindig op so ‘n mooi noot – dit herinner ons dat ons ‘n God het wat al sy beloftes nakom.

God het vir Israel die hele land gegee wat Hy aan hulle voorvaders beloof het. In hierdie finale deel van die boek, sien ons dat Israel die land in besit geneem het en vir hulself 'n tuiste daarin gemaak het. God was getrou in al sy beloftes.

Maak nie saak wat die omstandighede is nie, God se beloftes kan vertrou word. Hy sal elke belofte hou wat Hy aan jou deur sy Woord gemaak het. Psalm 89:34 sê dat Hy nie sy verbond sal verbreek of die woorde wat Hy gespreek het, verander nie. 2 Korintiërs 1:20 herinner ons dat al die beloftes van God in Hom ‘Ja’ en ‘Amen’ is. Hebreërs 10:23 sê Hy wat belowe, is altyd getrou. 

Alles in jou lewe kan verander. Jy kan van werk verander, na ‘n ander huis, dorp of selfs land trek. Mense kom en gaan. Situasies verander. Ons groei en ervaar verskillende seisoene in ons lewens. Maar daar is iets wat onveranderlik is – God se Woord. Sy beloftes vergaan nimmermeer. Ek bid dat hierdie waarheid jou vrede gee en jou vandag in jou omstandighede bemoedig.

Abba, dankie vir u beloftes. Dankie vir die bemoediging in u Woord. Wanneer alles uitmekaarval in ons lewens, klou ons aan U vas.

In Jesus se naam.

Amen.