JosuaVoorbeeld

Lees: Josua 24:11-15

SOAP: Josua 24:15

Vir verdere nalees: Josua 24:1-10

Josua 24:15 is waarskynlik een van die bekendste verse – “Wat my en my familie betref, ons sal die Here dien.” Kom ons bestudeer vandag die konteks waar binne Josua hierdie woorde geskryf het.

Die volk van Israel, diegene wat dit as kinders beleef het, of wat deur hulle ouers vertel is hoe God die Rooisee geopen het; hulle wat in die wildernis geleef het en gesien het hoe God in hulle behoeftes voorsien het en hulle gelei het; hulle wat in die Jordaanrivier was toe God die waters geopen het; dié wat Jerigo omring het en geskreeu het om die mure te laat ineenstort; diegene wat op die slagveld was toe die son gaan stilstaan het; diegene wat oorwinning op oorwinning behaal het in Kanaän – hulle sal moet kies tussen God en die afgode van die omringende Kanaäniete.

"Josua het dit baie duidelik gemaak dat die volk moes kies om die God van Israel te dien. Hulle kan nie onpartydig wees nie. Maar as hulle kies om God te dien, moet hulle ontslae raak van die valse gode wat sommige van hulle in die geheim gedien het. Selfs na die wonderlike ondervinding tydens die uittog uit Egipte, was daar steeds Jode wat offers gebring het aan die gode van Egipte. (Lev. 17:7; Amos 5:25–26; Esg 20:6–8; Hand 7:42–43)." Wiersbe, Warren. Wees Sterk. 

Ons moet elke dag kies om God te dien. As ons dit nie doen nie, sal ons, sonder dat ons dit besef, afvallig word en ‘afgode’ in ons lewens begin dien – mense, loopbaan, dinge, geld, sosiale media. Soos die volk, moet ons onsself verbind tot die Here en sy diens. Welke aanpassinge moet jy in jou leefstyl en familie maak om eerlik te kan sê, “Wat my en my familie betref, ons sal die Here dien?”

Here, ek verbind myself tot U vandag. Ek gee my lewe vir u diens. Ek wil kan sê, “Ek en my familie sal die Here dien.” Help my asseblief om alles wat my weerhou van ‘n volle oorgawe aan u diens, te verander.

In Jesus se naam.

Amen.